Konstıtýsııa kúnine jáne jańa oqý jylyna arnalǵan merekelik is-sharalar aıasynda «Nurly jol» baǵdarlamasy boıynsha eki jańa mektep esigin aıqara ashty, dep habarlaıdy Aqtóbe oblysy ákiminiń baspasóz qyzmeti.
Qyzyljar aýylynda qazaq aqyny M.Maqataev atyndaǵy 300 oryndyq mektep ashyldy. Eki qabatty 3 myńǵa jýyq sharshy metr aýmaǵy bar oqý ǵımaraty oqýshylardyń oqýy men jattyǵýlar, sondaı-aq mádenı jáne sporttyq tárbıe alýyn qamtamasyz etýge arnalǵan. Mektep 21 klasqa arnalǵan jáne eki aýysymda jumys jasaıdy.
Aqtóbe oblysynyń ákimi Berdibek Saparbaev oqýshylar men muǵalimderdi mańyzdy sharamen quttyqtady.
«Memlekettiń damýy birinshi kezekte azamattardyń bilim, tárbıe, mádenıet deńgeıine baılanysty. Sondyqtan, kez-kelgen memleket áleýmettik salaǵa nazar aýdarady. Sizder jaqsy bilesizder, Qazaqstanda bul salada kóptegen qazirgi zamanǵy mektep, balabaqsha, aýrýhanalar, teatrlar, sporttyq ǵımarattar turǵyzylýda. Munyń barlyǵy bizdiń memleketimiz álemdik qaýymdastyqta laıyqty oryn alýy úshin baǵyttalýda. Búgingi Qazaqstan – tanymal, jetistikti meńgergen memleket, birinshi kezekte, Prezıdent Nursultan Nazarbaevtyń júrgizip otyrǵan sarabdal saıasatynyń nátıjesinde bolyp otyr», - dedi aımaq basshysy.
Mektepte keń sporttyq jáne akt zalynan bólek, hımııa jáne bıologııa, aǵylshyn tili, kitaphana, medıateka kabınetteri bar. Birinshi qabatta 100 oryndyq ashana, kire beriste kiretin týrnıket ornalastyrylǵan.
Abattandyrylǵan mektep aýmaǵynda demalý jáne serýendeý alańy, oqýshylarǵa arnalǵan jattyǵý zaly men oıyn jáne sport alańdary, júgirý joldary ornalasqan. Erekshe qajettiligi bar balalarǵa lıft pen ustaıtyny bar pandýstar qoıylǵan.
Osyndaı mektep Jańaqonys aýylynda da ashyldy. Oǵan qazaq aqyny, pýblısıst S.Dónentaevtyń aty berildi. Oqý ǵımaratynyń arnaıy klastarynda tehnologııa boıynsha sabaqtar ótip, onda tigin as ázirleý, aǵash pen metaldardy óńdeýge arnalǵan stanoktar qarastyrylǵan.
Mektepterdiń aýmaǵynda zamanaýı shynaıy jabyndar jáne voleıbol jáne basketbol alańdary, júgirý joldary, oıyn alańdary bar.
Bıylǵy jyly oblys kóleminde 26 mektep qurylysy júrgizilýde. Jyl aıaǵyna deıin 15 mektep berilip, onyń ishinde 9 mektep jańa oqý jylynan bastap jumys isteıtin bolady. Salynyp jatqan mektepter 14 úsh aýysymdy mektep, 2 apattyq, 2 mektep oryn tapshylyǵyn jáne 8 eskirgen mektepterdiń máselelerin sheshedi.