Keshe tústen keıin Kóshpendiler oıynynyń mádenı baǵdarlamalary uıymdastyrylǵan Qyrshyn jaılaýynda (Sholpan-Ata qalasynan 50 shaqyrym) etnografııalyq qalashyqtyń ashylý rásimi ótip, onyń tusaýyn Qyrǵyzstan basshysy Sooronbaı Jeenbekov ashyp berdi.
Kórermender «Kóshpendilerdiń altyn dáýiri» degen teatrlandyrylǵan qoıylymdy tamashalady. Sondaı-aq rásim qyrǵyzdyń baıyrǵy ulttyq án-kúılerimen qostaldy.
Rásimge Vengrııadan kelgen qadirli meıman Vıktor Orban qatysyp otyrdy.
Etnoqalashyqta «Kelin alý», «Tusaý kesý» sııaqty túrki halyqtarynyń dástúrli salttyq joralǵylary kórsetilip, qolóner, qyrǵyz kıiz úıiniń kórkemdelýi, kóshpendilerdiń tamaq-astary, kıimderi boıynsha synaqtar ótkeriledi jáne shabandozdardyń oıyndary, t.t. ulttyq is-sharalar bolmaqshy.
Nazarbek BAIJIGITOV,
jýrnalıst, arnaıy «Egemen Qazaqstan» úshin
Qyrǵyz Respýblıkasy,
Sholpan-Ata qalasy