Búgin Otyrar aýdanynda «Densaýlyq sandaryna jet» uranymen «Densaýlyq-2018» festıvali ótti, dep habarlaıdy Otyrar aýdany ákimdiginiń baspasóz qyzmeti.
Dástúrli túrde ótkizilip kele jatqan sharaǵa 500–ge jýyq qatysýshylar salt atpen, jaıaý jáne velosıpedshiler qatysyp, Jibek joly dańǵyly boıymen ortalyq alańǵa keldi.
Ortalyq alańda elimizdiń ánurany oryndalyp, aýdan ákimi Erlan Aıtahanov quttyqtaý sóz sóıledi.
«Elbasymyz Nursultan Nazarbaev «Qazaqstan-2050» Strategııasynyń eń mańyzdy basymdylyqtarynyń biri –densaýlyq, el halqynyń kópshiliginde salaýatty ómir salty –ult densaýlyǵynyń kiltine balaǵan bolatyn. Qazaqstan álemde ómir súrýge qaýipsiz jáne turýǵa jaıly eldiń birine aınalýǵa tıis. Bizdiń bolashaq «Máńgilik Elge» barar nurly jolymyzda qazaqstandyqtardyń áleýetin kóteretin jańa múmkindikter jasaýda» dep, aýdan basshysy E.Aıtahanov sharanyń mańyzdylyǵyna toqtaldy.
Aıtýly jıynda aýdannyń áleýmettik-ekonomıkalyq damýyna ózindik úles qosyp júrgen «Zarechnoe» mekemesi №3 balalar men jasóspirimder sport mektebine avtobýs tartý etti. Avtokóliktiń kiltin aýdan basshysy Erlan Qýanyshuly men «Zarechnoe» AQ birlesken kásiporyn basqarma basshysy Omar Nurálıevter sport mektebiniń dırektory Meırambek Qashqynovqa tabystady.
Festıval barysynda ortalyq aýrýhana qyzmetkerleri, aýdandyq jasóspirimder ortalyǵynyń ónerpazdary jáne balabaqsha búldirshinderi arnaıy uıymdastyrǵan túrli formattaǵy fleshmobtar uıymdastyrdy. Sondaı-aq, mektep oqýshylary men kolledj stýdentteri sporttyń birneshe túrinen óner kórsetip, mekeme qyzmetkerleri arasynda arqan tartý básekesi ótti.
Sondaı-aq, halyq densaýlyǵyn nyǵaıtýdy maqsat tutqan shara aıasynda «Densaýlyq qalashyǵynan» bilikti dárigerlerdiń keńesine júginip, arnaıy konserttik baǵdarlamaǵa ulasty.