Almaty qalasy Densaýlyq saqtaý basqarmasynyń Oqý-ádistemelik ortalyǵynyń uıymdastyrýymen akýsherlik salada jáne neonatologııada tájirıbe almasý maqsatynda Vılnıýs ýnıversıtetiniń mamandary Perınatologııa jáne balalar kardıohırýrgııasy ortalyǵynda boldy.
Densaýlyq saqtaý basqarmasynyń basshysy Serikbol Mýsınov kezdesý barysynda Almaty qalasyndaǵy densaýlyq júıesiniń barysymen tanystyryp, búgingi tájirıbedegi jetistikter týraly baıandady.
Serikbol Rahymqanulynyń aıtýynsha, sheteldik áriptestermen tájirıbe almasý arnaıy qabyldanǵan memorandým aıasynda júzege asýda. Qazirgi kezde Almaty qalasy dárigerleriniń aldynda turǵan mańyzdy másele – júkti áıelderdi ambýlatorlyq kezeńde baqylaý. Búginde Almaty qalasynda kóshi-qon aınalymy kórsetkishteriniń joǵarylyǵyna baılanysty júkti áıelderdi ambýlatorlyq kezeńde baqylaýǵa alý ońaıǵa soqpaı otyr. Qalada jylyna 42 myń náreste ómirge keletin bolsa, ýaqytsha nemese uzaq merzimge turaqtaıtyndar sany 100 myńnan asady. Qazirgi kezde qalada 39 memlekettik, 31 jekemenshik emhana bar. Al emhanalarǵa júkti áıelderdiń tirkelýine baılanysty eshqandaı kedergi joq. Turatyn meken jaıynyń emhanadan qashyqtyǵyna qaramastan qalaǵan emhanaǵa tirkeýge turýǵa múmkindigi bar.
Densaýlyq saqtaý basqarmasynyń aldynda turǵan taǵy bir mańyzdy másele – mektep medısınasyna kóńil bólý. О́tken jyldan bergi aralyqta qala mektepterinde otbasyn qurýǵa baılanysty sabaqtar óte bastady. Ondaǵy maqsat – jas jetkinshekterdiń, ásirese qyz balalardy jeke densaýlyǵyna uqypty qaraýǵa úıretý, keńester berý. Iаǵnı qyz balanyń bolashaq ana retindegi jaýapkershiligin arttyrýmen qatar, salamatty urpaqtyń ómirge kelýine baılanysty túrli aqparattyq-keńestik sabaqtar ótkizý jolǵa qoıylǵan.
«Saparymyzdyń maqsaty – jańa ádister men tehnologııalar salasyndaǵy biliktiligimizben bólisý. Ana densaýlyǵynyń qaýipsizdigi, júktilik merzimde bolatyn táýekeldi jaǵdaılardy boldyrmaý, ana men bala ólimine jol bermeý baǵytyndaǵy tájirıbeler eki el dárigerleri úshin de mańyzdy» dep atap ótti Vılnıýs ýnıversıtetiniń professorlary Lınas Rovas jáne Aýstra Ýrbýtını. Lıtvalyq dárigerlerdiń aıtýynsha, Baltyq jaǵalaýyndaǵy memleket pen Qazaqstandaǵy týý kórsetkishterin salystyrýǵa kelmeıdi. Sondyqtan da Lıtvada júkti áıelderdi baqylaýǵa alý asa qıyndyq týǵyzbaıdy. Al qazaqstandyq dárigerler aldynda jaýapty mindet tur. Ana men bala densaýlyǵyn saqtaý úshin birinshi kezekte ambýlatorlyq baqylaýdyń mańyzy zor. Júktilik merzimi medısına salasy mamandary ǵana emes, búkil qoǵam bolyp atsalysatyn kókeıkesti másele. Bosaný barysynda qandaı da bir táýekeldi jaǵdaılar oryn almas úshin ana birinshi kezekte júktilikke deıingi merzimdegi densaýlyǵyna sergek qaraýy kerek. Al dárigerler júkti áıeldi der kezinde qabyldap, tolyq tekserýden ótkizse, kez kelgen táýekeldi jaǵdaıdyń aldyn alýǵa bolady.
Lıtvalyq ǵalymdar osy baǵyttaǵy tájirıbelerimen bólisip, «Qaýipsiz júktilik pen jedel járdemdi uıymdastyrý jáne neonatologııa», «Júkti áıelderdi emhanalarda baqylaý barysy» boıynsha sheberlik saǵattaryn ótkizdi.
Al Densaýlyq saqtaý basqarmasynyń Oqý-ádistemelik ortalyǵy ornalasqan Joǵarǵy medısınalyq kolledjiniń dırektory Áıgerim Ospanovanyń aıtýynsha, ortalyq qurylǵannan bergi eki jyl ishinde qazaqstandyq dárigerlerdiń de Lıtvada tájirıbeden ótip, biliktilikterimen bólisýge baılanysty jumystar jolǵa qoıyldy. Osyǵan deıin 17 dáriger Lıtva ýnıversıtetinde biliktiligin arttyrsa, qazirgi kezde Almaty joǵary medısınalyq kolledjiniń 8 mamany ishki qoldanbaly bakalavr boıynsha tájirıbe almasýda. Al kúz aılarynda jalpy tájirıbedegi 14 dárigerdiń júkti áıelderdi baqylaýdyń ádistemesi boıynsha biliktiligin arttyrýy josparlanyp otyr.
Elvıra Serikqyzy,
«Egemen Qazaqstan»
ALMATY