«Qara altyn» naryǵyndaǵy Qazaqstannyń basty operatory «QazMunaıGaz» ulttyq kompanııasy bıylǵy alǵashqy alty aıdaǵy qarjylyq jáne operasııalyq nátıjelerdi jarııalady.
KASE usynǵan derekter boıynsha kompanııanyń qarjylaı kirisi 10 279 mıllıon dollardy qurap, ótken jyldyń birinshi jartyjyldyǵyndaǵy kórsetkishten 62 prosentke asyp túsken. Alty aı ishindegi taza tabys kólemi de byltyrǵy kórsetkishpen salystyrǵanda 32 prosentke joǵarylap, 1 102 mıllıon dollardy qurap otyr.
Kompanııanyń osy kezeńdegi kúrdeli shyǵyndary 542 mıllıon dollar boldy. Bul da ótken jylǵy kórsetkishten 33 prosentke tómen kórsetkish.
Kásiporyn osy ýaqyt ishinde óndirilgen munaı men gaz kondensatynyń kólemin 11 769 myń tonnaǵa jetkizip (táýligine 494 barrel), byltyrǵy kórsetkishti 1 prosentke asyra oryndady. Alty aıdaǵy tabıǵı jáne ilespe gaz óndirisiniń aýqymy – 4 123 mıllıon tekshe metrge teń.
Arnur ASQAR,
«Egemen Qazaqstan»