О́tkende Taldyqorǵan qalasyndaǵy «Jastar» sport saraıynyń jattyǵý zalyna kezdeısoq bas suqqan jandar qyzyq oqıǵanyń kýágeri boldy. Oqıǵa degende, qazirgi zamanǵy ozyq úlgimen boı kótergen sport ǵımaratynyń ishi bir kúnde ózgerip, ótken ǵasyrdyń 80-jyldardaǵydaı sáýlet keıpine engenin kórip, tańyrqaǵan edi...
Shyn mánisinde bul kórkem fılmge laıyqtalyp jasalǵan dekorasııa bolatyn. 1980 jyly Máskeýde ótken Olımpııa oıyndarynyń chempıony, balýan, búgingi Eńbek Eri Jaqsylyq Úshkempirov jaıly fılmniń negizgi túsirý jumystary Taldyqorǵanda jalǵasýda. Jetisýda túsirilgen fılm epızodyna balýannyń Olımpıada aldyndaǵy daıyndyq kezeńi men álemdik doda ústindegi teńdessiz jeńis sáti arqaý bolǵan. Úshkempirovtiń jalyndy shaǵyn jas akter Oljas Saq somdaıdy.
– Jaqsylyq aǵamyzdyń rólin somdaý ári jeńil, ári qıynǵa soqty. Jeńil bolatyny, ómiri nurly, joly jarqyn ǵoı ol kisiniń, ózi de únemi aqyl keńesin aıtyp, qamqor bolyp qasymda júr. Qınalǵanym, balýannyń boz kilemdegi ádis-aılasyn aınytpaı qaıtalaýǵa tıispin. О́zim erkin kúreske qatysqan edim, Jaqsylyq aǵa klassıkalyq kúrestiń sheberi. Eki aı boıy jattyǵý zalynan shyqpaı daıyndalýǵa týra keldi, – deıdi akter.
Qalmahanbet MUQAMETQALI,
«Egemen Qazaqstan»
Almaty oblysy