Qaraǵandy qalasynda ótken Buqar jyraý Qalqamanulynyń 350 jyldyq mereıtoıy men Astana qalasynyń 20 jyldyǵyna arnalǵan «О́leń — sózdiń danasy» atty respýblıkalyq jyr músháırasynda «Egemen Qazaqstan» gazetiniń bólim meńgerýshisi Mıras Asan bas júldeniń ıegeri atandy.
Jyr báıgesine 19-35 jas aralyǵyndaǵy 50 úmitkerden ótinim túsken bolatyn. Olar jyraýlyq poezııa úlgisinde «Kómekeı áýlıe» týraly, sonymen birge Astananyń 20 jyldyǵy jáneqoǵamdyq-áleýmettik máseleler jaıynda jazǵan óleńderin qazylar alqasynyń talqysyna usyndy. Al qazylar alqasyna belgili aqyn Esenǵalı Raýshanov tóraǵalyq etti.
Jyr músháıranyń júldegerleri dıplomdarmen, alǵys hattarmen jáne aqshalaı syılyqtarmen marapattalsa, bas júldege ıe bolǵan Mıras Asanǵa 500 myń teńgeniń sertıfıkaty tabys etildi.
Qaırat ÁBILDA,
«Egemen Qazaqstan»
QARAǴANDY