Tanzanııanyń Vıktorııa kólinde parom sýǵa batyp, 44 adam qaıtys boldy, dep habarlaıdy RIA NOVOSTI.
Mvanza qalasynyń oblystyq komıssary Djon Mongellanyń aıtýynsha, qazir qutqarýshy top óz jumysyn ýaqytsha toqtatty. Qutqarý jumystary tań atysymen qaıta jalǵasatyn bolady. 44 adamnyń denesi tabylyp, qalǵan 37 zardap shegýshi qutqarylǵan.
Paromda naqty qansha adam bolǵany ázirge belgisiz. Tasymaldaýshy transport júzden astam adam men 25 tonna júk pen úsh shaǵyn qozǵalys quraldaryn tasymaldaı alatyny belgili boldy.
BAQ ókilderiniń málimetinshe, Tanzanııa úkimeti sýǵa batqandardyń sany 200 adamnan asady dep boljap otyr.