Premer-Mınıstrdiń orynbasary Asqar Mamın Qytaı kompanııalary basshylarymen qaraǵan Qazaqstan-Qytaı ınvestısııalyq jobalardyń arasynda Qostanaı oblysynda júzege asyrylatyn úsh joba bar. Olar: Qostanaı qalasyndaǵy Indýstrııalyq aımaqta salynatyn teledıdar óndirisi zaýytynyń qurylysy; Qostanaı oblysynda YTO markaly traktoryn shyǵarý (HKC Corporation Limited); Qostanaı oblysynda aýyl sharýashylyǵy maqsatyndaǵy jerdi tereń óńdeý(TOO «BioGrain»).
Úkimettik delegasııa quramynda Qostanaı oblysy ákiminiń orynbasary Meıirjan Myrzalıev boldy. Qytaıdaǵy kezdesýlerde HKC Corporation Limited kompanııasynyń jetekshisi Lı Djın Qostanaı óńiri ınvestorlarǵa qolaıly jaǵdaı bar, geografııalyq jaǵynan da qolaıly ekenin aıtty. Teledıdar shyǵaratyn zaýyttyń alǵashqy satysy 50 mln. dollardy quraıdy, bitken soń jylyna 3 mln dana kógildir ekran óndiretin bolady. 500 jumys ornyn quramyz dep ýáde etip otyr. О́nim TMD elderine eksportqa shyǵarylady. Teledıdarlardy osy jyldan bastap shyǵara bastaý ,jobany júzege asyrý jóninde taraptar Jol kartasyn jasaý kelisimine qol qoıdy.
Qostanaı qalasyndaǵy Indýstrııalyq aımaqqa traktor zaýytyn salý sóz boldy. Qazir jobany júzege asyrýdyń jol kartasy qol qoıýǵa daıyndalyp jatyr. Jospardaǵy úsh joba da qazaqstandyq 51 qytaı ınvestısııalyq jobasynyń quramyna kiretin bolady. Ony «Bir beldik – bir jol!» jáne «Nurly jer» qorlary qoldaıtyn bolady.
Názıra Járimbet,
«Egemen Qazaqstan»
Qostanaı