Dzıýdodan Qazaqstan quramasy 20-27 qyrkúıek kúnderi Ázirbaıjan astanasy Baký qalasynda ótken Álem chempıonatynda eki medal jeńip aldy. 124 eldan 755 dzıýdoshy kelgen Álem birinshiliginde Qazaqstan sapynan 17 tatamı sheberi qatysyp bir kúmis jáne bir qola medalmen jalpy medal kestesinde 12-orynǵa jaıǵasty, dep habarlaıdy Qazaqstan dzıýdo federasııasynyń baspasóz qyzmeti.
Jarystyń birinshi kúninde 48 kelige deıingi salmaqta beldesken burymdy balýanymyz Galbadrah Otgonseseg qola medal jeńip alyp, Álem chempıonatynyń eki dúrkin qola júldegeri atandy. Ol sheshýshi jubanysh beldesýinde mońǵolııalyq Mýnhbat Ýransesegten basym tústi.
Galbadrah birinshi beldesýinde brazılııalyq Gabrıela Shıbanony, ekinshi aınalymda ıspanııalyq Laýra Martınez Abelendany utty. Alaıda, shırek fınalda Eýropa Chempıony ýkraınalyq Darıa Belodedqa ese jiberip, jartylaı fınalǵa shyǵa almady. Al jubanysh beldesýinde Slovenııa sportshysy Marýsa Shtangerdi ıpponmen jeńip, Álem chempıonatynyń qola júldesi úshin kúresýge múmkindik alǵan bolatyn.
Al 66 kelige deıingi salmaqta synǵa Erlan Serikjanov jarystyń kúmis júldegeri atandy. Ol fınaldyq kezdesýde japonııalyq álem chempıony Abe Hıfýmıge ese jiberdi. Erlan Serikjanov irikteý kezeńiniń alǵashqy beldesýinde Artýr Karlos Djýnıordy (Mozambık), ekinshi kezdesýinde Barýh Shmaılovty (Izraıl), keıin Vadım Býneskýdy (Moldova), al shırek fınalda mońǵolııalyq Herleng Ganboldty jeńip, jartylaı fınalǵa shyqty. Jartylaı fınalda Álem reıtınginiń kóshbasshysy ızraıldik Tel Flıker Erlandy toqtata almaǵan edi.
1 aptaǵa sozylǵan jarys qorytyndysy boıynsha, jekeleı saıystar boıynsha 16 júldemen (7 altyn, 5 kúmis, 4 qola) Japonııa quramasy kósh bastady. Al 3 ıelengen (2 altyn, 1 qola) Ońtústik Koreıa ulttyq quramasy medal kestesinde ekinshi orynǵa jaıǵassa, qorjynynda 4 (1 altyn, 1 kúmis jáne 2 qola ) júldesi bar Fransııa quramasy úzdik úshtikti támámdady.