Búgin Úkimet úıinde QR Premer-Mınıstri Baqytjan Saǵyntaev EMEA (Eýropa, Taıaý Shyǵys jáne Afrıka) boıynsha aksıonerlik kapıtal naryqtarynyń bólimshe basshysy Ken Robıns bastaǵan Citigroup ókilderimen kezdesý ótkizdi, dep habarlaıdy primeminister.kz.
Kezdesý barysynda munaı-gaz ındýstrııasyndaǵy yntymaqtastyq, kompanııanyń jekeshelendirý baǵdarlamasyna qatysý keleshegi, sondaı-aq, qazaqstandyq kásiporyndarmen ózara is-qımyldyń basym baǵyttary qaraldy.
Sonymen qatar, kezdesýge Citigroup tarapynan «Sıtıbank Qazaqstan» AQ basqarma tóraǵasy, dırektorlar keńesiniń múshesi A. Kýrılın jáne Shyǵys jáne Ortalyq Eýropa, Taıaý Shyǵys jáne Afrıka boıynsha ınvestısııalyq-banktik qyzmetter bólimshesiniń basshysy I. Mtıbelıshvılı qatysty.
Citigroup QR-da 1993 jyldan bastap jumys isteıdi. Bul kezde Almatyda «Sıtıbank N. A.» kompanııasynyń ókildigi qurylǵan edi. Banktiń negizgi qyzmeti — jetekshi qazaqstandyq kásiporyndarǵa, qarjy ınstıtýttaryna jáne halyqaralyq kompanııalardyń bólimshelerine operasııalyq qyzmet kórsetý jáne olardy korporatıvtik qarjylandyrý. Bıznes júrgizýdiń basym salalary: munaı jáne gaz, energetıka, agroónerkásip sektorlary, sondaı-aq ken ıgerý ónerkásibi jáne telekommýnıkasııalar.