Búgin QR Úkimetiniń baspasóz ortalyǵynda ótken baspasóz konferensııasynda densaýlyq saqtaý mınıstri Eljan Birtanov bıyl densaýlyq saqtaý uıymdarynda meıirbıke qyzmetiniń jańa modelin engizý boıynsha pılottyq joba bastalǵanyn málimdedi, dep habarlaıdy Premer-Mınıstrdiń baspasóz qyzmeti.
Meıirbıke qyzmetiniń jańa modelin engizý boıynsha pılottyq joba 31 pılottyq medısına uıymy negizinde — QR jeti óńirinde joǵary medısınalyq kolledjderdiń klınıkalyq bazalarynda (kópbeıindi úlken adamdar men balalar stasıonarlary, emhanalar, perınataldyq ortalyqtar) bastaldy.
«Jańa modeldiń máni – eger osyǵan deıin kúretamyrlyq qysym, gıpertenzııa sekildi kóp taralǵan aýrý túrleri boıynsha medısınalyq kómek kórsetý kezinde naýqastarǵa qatysty sheshimdi dárigerler ǵana qabyldaıtyn bolsa, endi meıirbıkeler de tájirıbelik turǵydan daıyn bolýy kerek», — dedi E. Birtanov.
Osy joba aıasynda meıirbıke qyzmetiniń jańa modelin engizýdiń qaǵıdalary men ádisnamalyq negizderi ázirlenetin bolady: uıymnyń uıymdastyrýshylyq qurylymy jáne shtattyq kestege qoıylatyn talaptar, jalpy praktıkadaǵy qoldanbaly bakalavrlar men meıirbıkelerdiń fýnksıonaldary qaıta qaralyp, jańa meıirbıkelik qyzmetterdi trafıkasııalaý tetikteri jáne t.b ázirlenedi.
Mınıstr Qazaqstanda orta býyn kadrlary 76 medısınalyq bilim berý uıymdarynda oqytylatynyn atap ótti.
Sonymen qatar, meıirbıkelerdi daıarlaý sapasyn arttyrý úshin QR DSM oqý kezinde jáne ony aıaqtaǵan soń kolledj stýdentteriniń bilimine mindetti syrttaı baǵalaý júrgizýdi josparlap otyr. Onyń nátıjeleri boıynsha, kórsetkishter qanaǵattandyrarlyq bolmaǵan jaǵdaıda, jumys isteýine ruqsat etpeı nemese osy kolledjderdi lısenzııalarynan aıyrý kózdelgen.
«Biz mundaı mehanızmdi engizemiz. Zań jobasy Parlament qaraýyna usynylǵan. Kelesi jyldan bastap medısınalyq meıirbıkelerdiń oqytylý sapasyn qatań qadaǵalaıtyn bolamyz», — dedi mınıstr.
Buǵan qosa, búkil meıirbıkeler qyzmeti júıesin Mınıstrlik kezeń-kezeńmen eýropalyq úlgige kóshirýdi josparlaǵan. Bul baǵyttaǵy jumystar 2014 jyly Fınlıandııanyń Qoldanbaly ǵylymdar ýnıversıtetteri federasııasymen birge bastalǵan. 2018 jyly «meıirbıke isiniń qoldanbaly bakalavry» biliktiligimen «Meıirbıke isi» mamandyǵy boıynsha alǵashqy túlekter — 140 túlek bitirip shyqty. Jyl saıyn olardyń sany arta túsetin bolady. Sonymen qatar atalǵan baǵdarlama boıynsha akkredıtasııalanǵan bilim mekemeleriniń sany artady.
Fınlıandııanyń Qoldanbaly ǵylymdar ýnıversıtetiniń federasııasymen ózara seriktestik is-qımyly aıasynda «Meıirbıke isi» mamandyǵy boıynsha qoldanbaly bakalavrıattyń bilim berý baǵdarlamasy ázirlendi. Atalǵan baǵdarlamany iske asyrý 2014 jylǵy qyrkúıek aıynda alty memlekettik medısınalyq kolledjder bazasynda eksperıment rejıminde bastalǵan jáne praktıkalyq biliktiligi myqty medısınalyq meıirbıkelerdi daıarlaýǵa baǵyttalǵan. Atalǵan baǵdarlama Eýroodaq elderinde keńinen taralǵan.