Mamandardyń aıtýynsha, bıyl tumaýdyń A(H1N1) –Mıchıgan, A (H3N2) – Sıngapýr jáne B – Kolorado shtammalary belsendi júretin kórinedi.
Tumaýdyń «Mıchıgan», «Koloroda» túrleri qazaqstandyqtarǵa burynnnan belgili, al «Sıngapýrmen» bıyl biirnshi ret «betpe-bet» keledi ekenbiz. Osy máselege oraı Oblystyq qoǵamdyq densaýlyq saqtaý departamentinde ótken brıfıngte departamenttiń Epıdemıologııalyq qadaǵalaý bóliminiń basshysy Gúlsim Dosymova tumaýǵa qarsy egý úshin 48 mıllıon teńgege 57 myń doza vaksına satyp alynǵanyn aıtty. Endi birer aptada taǵy da qosymsha 5 myń doza alynady. Qazan, qarasha aılarynda oblystaǵy aýdandar men qalalar emhanalarynda, feldsherlik pýnktterde 361 egý beketteri jumys isteıdi.
Alty aıǵa deıingi nárestelerge, ata-anasyz qalǵan balalarǵa, júrek, tynys aýrýlarynan zardap shegetin jandarǵa, ekiqabat áıelderge, densaýlyq saqtaý salasynyń qyzmetkerlerine, medısına-áleýmettik mekemeler qyzmetin paıdalanatyn ǵarip jandarǵa vaksına aqysyz egiledi.
Názıra JÁRIMBET,
«Egemen Qazaqstan»
Qostanaı