Aldaǵy 6-7 qazan kúnderi Almatydaǵy QR Memlekettik ortalyq mýzeıi «Baqyt» sándik-qoldanbaly óner ortalyǵymen birlesip, «Altyn alma» atty Ortalyq-Azııanyń dástúrli qolóner kórme-jármeńkesin ótkizbek.
Almaty – alma qalasy. Aınala toly alma. Kórmeniń basty taqyryby da osyǵan baılanysty. Alma ıdeıasy – bul jalǵyz jemistiń tarıhy ǵana emes, ol sheksiz, kóp qyrly. Natıýrmort jáne peızaj, portret pen janrlyq kórinister. Olar túrli keskindeme, grafıka, fotosýretter men gobelen jáne batık sııaqty sándik óner týyndylarynda kórinis tabady. Bir taqyrypty ár sýretshi, sheber ózinshe beıneleıdi.
Sándik-qoldanbaly óner sheberleri bul nyshandardy ózderiniń týyndylarynda – kartına, zergerlik buıym, panno, gobelen, kıiz jáne teri buıymdarynda, batık sııaqty ónimderinde beınelegen. Alma beınelengen kádesyıdy kez kelgen jastaǵy janǵa syı etip tartýǵa bolady. Alma beıneli kádesyılar molshylyq pen sáttiliktiń nyshany.
Qazirgi tańda qolóner buıymdarynyń kórme-jármeńkeleri Ortalyq Azııa halyqtary arasynda ekonomıkalyq jáne mádenı baılanysty damytýda úlken ról atqarady. Kórmege Qazaqstan, Qyrǵystan, Tájikstan, Túrikmenstan, О́zbekstan jáne Reseı elderinen kelgen 150 den astam qolóner sheberleri qatysady. Olar ózderiniń sheberlikteri men dástúrlerin urpaqtan-urpaqqa amanat etip qaldyrady.
«Altyn alma» kórmesine qoıylatyn buıymdar ártúrli: avtorlyq sándik buıymdar, kıimder, sándi sómkeler, zergerlik buıymdar, dızaınerlik oıynshyqtar, jeńil kórpesheler, keramıka, qoldan jasalǵan sabyndar men kosmetıkalar, ıntererlik zattar, beıneleý óner týyndylary jáne taǵy kóptegen san alýan zattar.
Kórme aıasynda jármeńkege kelýshiler úshin kıiz, batık jáne qyshpen jumys jasaýdyń ádis-tásiline úıretinin sheberlik-sabaqtary uıymdastyrylady.
Aınash ESALI,
«Egemen Qazaqstan»
ALMATY