Elbasynyń Joldaýyna aıryqsha nazar aýdarǵan N.Nyǵmatýlın bıylǵy Joldaý árbir qazaqstandyq úshin mańyzdylyǵy zor, tarıhı qujat ekenin aıtty.
Májilis Tóraǵasynyń pikirinshe, Joldaý eń aldymen halyqtyń ál-aýqatyn arttyrýǵa baǵyttalǵan.
«Aldaǵy on jylǵa arnalǵan áleýmettik, ekonomıkalyq jáne aımaqtyq damý salalaryndaǵy is-qımyl josparlary biriktirilgen bul Joldaý maqsattar men mindetterdiń aýqymy jaǵynan teńdessiz strategııalyq qujat», dedi Palata Spıkeri.
Sondyqtan Joldaýda aıtylǵan barlyq baǵdarlar depýtattyq korpýstyń zań shyǵarý jumysynyń basym baǵyty bolmaq.
Sonymen qatar, Bıýro otyrysynda Palatanyń aldaǵy jalpy otyrysynyń kún tártibine engiziletin máseleler qatary talqylandy.
Kún tártibiniń jobasynda salalyq komıtetterge qorytyndy ázirleý merzimin anyqtaý úshin jańa zań jobalaryn jumysqa alý kózdeledi.
Olardyń qatarynda «Qazaqstan Respýblıkasynyń keıbir konstıtýsııalyq zańdaryna Qazaqstan Respýblıkasynyń ákimshilik-aýmaqtyq qurylysy máseleleri boıynsha ózgerister engizý týraly» Konstıtýsııalyq zań jobasy jáne dene shynyqtyrý men sport máselelerine qatysty zań jobasy bar.
Budan basqa, Bıýro otyrysynda Májilistiń Zańnama jáne sot-quqyqtyq reforma komıtetiniń Kóshpeli otyrysyn ótkizý týraly másele qaraldy.