1916 jylǵy Ult-azattyq qozǵalys kósemderiniń biri, Amangeldiniń úzeńgiles serigi, halyq batyry Nurmaǵambet Kókembaıulynyń (Keıki batyr) bas súıeginiń týǵan topyraǵyna jerlenýi ulttyq rýhymyzdy bir aspandatqan edi. Bas súıekti Sankt-Peterbýrgten aldyrýǵa, keıin batyrdyń bet beınesin jasatýǵa qarjylaı demeýshilik kórsetýshi - Saǵdat Nurmaǵambetov atyndaǵy qordyń basshylary M.Nálibaev pen S.Ysqaqov. Majar eliniń astanasy Býdapesht qalasyndaǵy jaratylystaný ǵylymı murajaıynda Zoltan Korshoshtyń basshylyǵymen bas súıekten Keıki batyrdyń beınesi qalypqa keltirildi.Tarıhı is-sharaǵa Senat depýtaty Serik Aqylbaı basshylyq jasasa, bas súıekti ákelýge burynǵy úkimet basshysy Kárim Másimovtyń ózi barǵanynan jurtshylyq habardar. Jýyrda, Amangeldi aýdanynyń 90 jyldyǵy qarsańynda Keıki batyr músininiń murajaıǵa tabys etilýi eleýli oqıǵa boldy. Músindi Almatydan aldyryp, murajaıǵa tapsyrýshy - jergilikti kásipker Ahmetov Tańatar. Músindi murajaıǵa ornatyp bergen kásipker bas súıekke baılanysty Vengrııanyń jáne Reseı Federasııasynyń Mádenıet mınıstrliginiń bergen birneshe qujattaryn qosa tabys etti. Endi kez-kelgen murajaıǵa kelýshi batyrdyń músinin kórip, qujattarmen tanysa alady.