Elbasy Nursultan Nazarbaevtyń Joldaýy halyqtyń ál-aýqatyn arttyrý máselesin qamtydy.
Tabys pen turmys sapasyna keń kóńil bólindi. Táýelsizdiktiń alǵashqy jyldary Qazaqstandaǵy halyq sany 14 mıllıonnan aspaıtyn. Búginde biz 18 mıllıonnan asyp, ómir súrý uzaqtyǵy 72,5 jasqa deıin artyp otyr.
Osyndaı jetistikterdi eske salǵan Elbasy damýymyz ben halyqtyń ál-aýqatyn odan ári arttyrý máselesinde kún tártibinen túspeıtinin jan-jaqty jáne óte mańyzdy jaıttardy ataı otyryp qamtydy.
Ásirese bilim berýdiń túıtkilderi, muǵalim mártebesi jaıly aıtylǵan Prezıdent sózi óte quptarlyq. Muǵalimderdiń artyq jumystarǵa jegilip, retsiz tekserýlerge ushyrap júretini shyn. Olardyń basty maqsaty el bolashaǵy – bilimdi jas óskindi ósirip shyǵarý. Muǵalim osy isin alańsyz atqarýy tıis. Mine, Prezıdent atalǵan túıtkilge jete mán berdi.
Sonymen birge Elbasy óz jerimizden barlyq shıkizat kóziniń tabylatynyna qaramastan sheteldiń taýaryna táýeldilikti doǵarý týraly aıtty. Ekonomıkalyq negizi qalyptasqan elimizde kıim-keshek pen tutyný zattaryn aıtpaǵanda bala oıynshyǵynyń ózi óndirilmese, onda bul shyn máninde oılanarlyq másele.
Osylarmen qatar Prezıdent turǵyndardyń baspanamen qamtylý jaıy, «7 – 20 – 25» baǵdarlamasynyń oryndalý barysyna taǵy bir toqtaldy. Baǵdarlamanyń qalaı júzege asyp jatqany jóninde halyq sengen basshylardyń tájirıbesin mysal etti.
Bul Joldaýdyń ereksheligi, Prezıdent ózi kóterip otyrǵan kúrdeli máselelerge qatysty sala mınıstrlerinen tilekeı jaýap ala otyryp, Úkimetke birqatar mindetter júktedi.
Endigi másele Úkimet pen jergilikti bıliktiń el damýy jolyndaǵy eseli eńbegi bolmaq.
Qýanyshqalı ShAPShAŃOV, eńbek ardageri
Qyzylorda oblysy