Elbasy Nursultan Nazarbaev Qazaqstan halqyna joldaǵan ár Joldaýynda áleýmettik máseleni kóteredi. Osy joly Joldaýdan elimizdiń ekonomıkalyq damýy úshin atqarar kóptegen mindet-maqsattarmen birge, qamqorlyqqa toly bir jyly lepti sezingendeı bolasyń. Baspana – ár adam úshin basty másele. «Úıi joqtyń – kúıi joq» dep halyq beker aıtpaǵan ǵoı. Osydan birneshe aı buryn «Prezıdenttiń bes bastamasy» atty maqalasynda Elbasy «7-20-25» baǵdarlamasynyń ómirge joldama alýyna sebepshi bolyp edi. Sonymen qatar osy ýaqytqa deıin «Nurly jer» baǵdarlamasy da jaqsy isterdiń tetigine aınalǵan bolatyn. Osy joly Nursultan Ábishuly halyqty baspanamen qamtamasyz etetin baǵdarlamanyń tıimdiligin taǵy da aıtyp, onyń júzege asýy kerektigin shegeledi.
Astana ákimıatynyń bıýdjet qyzmetkerleriniń páterli bolýyn bıýdjet tarapynan qoldaý tájirıbesin mysalǵa keltirdi. Osy ozyq tájirıbeni bıýdjet qyzmetkerleri úshin bizdiń oblys ákimshiligi jáne bıznes kompanııalary da qoldanar, bálkim. Qostanaıdaǵy úılerdiń birazyn salǵan bizdiń «BK-stroı» qurylys kompanııasy kezektegi 180 adamnyń úıli bolýyna qolqabys tıgizýdi oılastyryp otyr. Bizdiń kómegimiz – bıýdjet qyzmetkerlerine páter aqysyn arzandatamyz, bul baspana alatyndarǵa bizdiń tarapymyzdan syılyq bolady.
Elbasy Nursultan Nazarbaev «7-20-25» baǵdarlamasynyń tıimdiligin óte naq ári durys aıtty. Qazir jastardyń kópshiligi baspanasyz, páter jaldaıdy. Biz olarǵa aınaldyrǵan eki jyl bar múmkindigin salyp eńbek etip, aqsha jınasa, bizdiń kompanııa salǵan úılerden páter alýǵa tolyq múmkindik bolatynynt aıtyp otyrmyz. Qazir joǵary oqý oryndarynyń, kolledjderdiń stýdentterimen áńgime júrgizip jatyrmyz. Árıne, baspana jetpeıdi, úılerdi kóbirek salýǵa tıispiz.Salynǵan úılerdiń sapasyn tekserip alýdy men de qoddaımyn. Jasyratyny joq, salynǵan úılerdiń bir-eki jylda turýǵa jaramaı jatqan ókinishti mysaldary ár jerden-aq kezdesip júr. Bul adamdardyń senimine, eńbegine qııanat bolyp tabylady. Zańda aıtylǵandaı, úıdiń sapasyna merdiger, jobalaýshy, qurylysty salýshy, tehnıkalyq baqylaýshy tórt mekeme jaýapty bolýy tıis. Bizdiń «BK-Stroı» qurylys kompanııasy sapaǵa basymdyq beredi. Biz qurylysty ózimiz jobalaımyz, ózimiz salamyz. Úılerdi qabyldap alǵanda tek qol qoıý jetkiliksiz, ony burynǵydaı tekserip alǵanda ǵana jaýapkershilik artady dep oılaımyz.
Elbasynyń Joldaýda baspana týraly aıtqany eń aldymen jastarǵa qamqorlyq dep bilemin. Sondyqtan oǵan jastar da jaqsy isterimen jaýap berýi tıis. Eńbek etse qazir jumys tabylady. Jalyndy jastyq shaqty bos ótkizbeýdiń, ony tıimdi paıdalanýdyń amalyn árbir jas qarastyrýy tıis. Jas kezde istegen eńbektiń qaıtarymy búkil ǵumyryna jetedi ári elimizdiń bolashaǵy da myqty bolady. Elbasy baspanamen qosy jastarǵa muny da meńzep otyrǵandaı.
Igor KIM,
«BK-Stroı» jaýapkershiligi shekteýli seriktestiginiń dırektory,
oblystyq koreı etno-mádenı birlestiginiń tóraǵasy,
«Nur Otan» partııasy oblystyq fılıaly Saıası keńesiniń múshesi