Elbasy memleket-jekemenshik seriktestik aıasynda Slovakııa ınvestorlarynyń qatysýymen salynǵan qaladaǵy jańa Muz saraıyna bardy, dep habarlaıdy Aqorda baspasóz qyzmeti.
Qazaqstan Prezıdenti jas hokkeıshilerdi jáne barsha aqtóbelikterdi Muz saraıynyń ashylýymen quttyqtap, shaıbaǵa estelik qoltańba qaldyrdy.
Jalpy aýmaǵy 8 500 sharshy metr bolatyn sport kesheni jyl boıy hokkeıden, short-trekten, mánerlep syrǵanaýdan, basketboldan, shaǵyn fýtboldan, bokstan, úlken tennısten, gımnastıkadan kásibı jarystar ótkizýge, sondaı-aq konkımen jappaı syrǵanaýǵa múmkindik beredi. Arena 2 500-den astam kórermenge arnalǵan.