Býenos-Aırestegi jasóspirimder Olımpıadasynda boks básekeleri aıaqtaldy. Qazaqstan atynan sharshy alańǵa shyqqan Talǵat Shaıkenge kúmis júlde buıyrdy dep jazady Olympic.kz.
64 kelige deıingi salmaq dárejesinde synǵa túsken Talǵat fınalda reseılik Ilıa Popovpen judyryqtasqan bolatyn. Jekpe-jek barysynda bizdiń sportshynyń basymdyǵy aıqyn bilingenimen, tóreshiler jeńisti Popovqa berdi.
Esep - 4:1.
Eske sala keteıik, Olımpıadaǵa attanǵan úsh qazaq boksshysy da júldege ilikti. Aıbek Oralbaı Olımpıada chempıony atansa, Talǵat Shaıken men Damır Toıbaıdyń enshisinde kúmis medal bar.