Oǵan sot júıesiniń ardagerleri, zııaly qaýym ókilderi, aqsaqaldar, oblystaǵy qalalyq, aýdandyq sottardyń sýdıalary qatysty. Joǵarǵy sotttyń tóraǵasy Jaqyp Asanovtyń bastamasymen osy jyldyń basynan beri jobalyq menedjment ádisimen 7 top jumys isteıdi. Sonyń biri «tatýlasý: Sotqa deıin, sotta» jobasy sheńberinde jumys istep jatqan top Qostanaı oblysyna kelip, túsindirý jumysyn júrgizdi.
Konferensııada sóz alǵan Qazaqstan Respýblıkasy Joǵary Soty tqóraǵasynyń keńesshisi Saǵatbek Súıleımen medıasııa, ıaǵnı taraptardyń isti sotqa deıin jetkizbeı-aq kelisýi, tatýlasýy ekonomıkalyq jáne áleýmettik jaǵynan da ýaqyt talap etip otyrǵan másele ekenin aıtty.
«Bizdiń elde jyl sanap sottaǵy ister eselep artýda. 2013 jylmen salystyrǵanda 2017 jyly 2 esege jaqyn, ıaǵnı 1,4 mıllıonnnan 2,7 mıllıonǵa deıin óskenin aıtty. Elimizegi adam basyna shaqqanda quqyqqa qabiletti árbir tórtinshi azamat daýǵa tartylyp, sottasyp júr» dedi Saǵatbek Súleımen. Ol sonymen qatar Qostanaı oblysynda basqa óńirlermen salystyrǵanda daýkestik deńgeıi joǵary ekenin de aıtyp ótti. Tek daýlasýshy eki adam ǵana qatysatyn azamattyq ister boıynsha sottasýshylar sany oblys turǵyndarynyń 15 prosentin qamtıdy.
Qostanaı oblystyq sotynyń tóraǵsy Merǵalıev Aslanbek bitimgershilik boıynsha oblysta júrgizilip jatqan jumystarǵa sholý jasady. Qazirde adamdardy sottardaǵy bitimgershilik isi qyzyqtyrady. Turmystyq jáne azamattyq daý-damaılardy sotqa deıin tatýlasý arqyly bitirse, ol taraptarǵa qarjylyq jaǵynan da jeńil túsedi jáne tárbıelik máni de joǵary bolady. Sońǵy jyldary medıasııa mámelesin jurtshylyqqa túsindirýde joǵary oqý ordalarymen júrgiziletin jumystar nátıjelei aıqyn baıqalady.
«Zulqarnaı Aldamjar atyndaǵy áleýmettik –tehnıkalyq ýnıversıtetimen yqpaldastyq boıynsha memorandýmǵa qol qoıyp, osynda medıasııa kabınetin ashtyq.Sonymen qatar daýlardy balamaly sheshý máselesi boıynsha joǵary oqý oryndary úshin pán bolýy kerektigin aıtqym keledi» dedi Aslanbek Amangeldiuly.
Munan keıin konferensııaǵa shaqyrylǵan zııaly qaýym ókilderi, aqsaqaldar sóz alyp, ómirde kezdesip jatatyn tirshilik túıkilderinen týatyn usaq daýlardy sotqa jetkizbeı, óz ara sheshý kerektigin, onyń halqymyz tarıhynda bar nárse ekenin, jas urpaqty soǵan tárbıeleý kerektigin aıtty.
Názıra Járimbet,
«Egemen Qazaqstan»
Qostanaı