Búgin Biryńǵaı jınaqtaýshy zeınetaqy qory sońǵy kezderi ınternet arqyly jasalatyn alaıaqtyq áreketterdiń kóbeıip ketýine baılanysty qazaqstandyqtardy qyraǵy bolýǵa shaqyrady.
Internet arqyly áreket jasaıtyn alaıaqtar búginde ańǵal azamattardy aldaýdyń jańa ádisterin oılap taýyp jatyr. Solardyń biri – nesıe rásimdeýge qatysty bolyp otyr. Munda alaıaq ár túrli búrkenshik atty jamylyp, ınternette habarlandyrý ornalastyrady. Onda ol Astana jáne basqa da qalalardyń turǵyndaryna ekinshi deńgeıdegi bankterde nesıe rásimdeýge kómektesetindigi týraly ýáde beredi. Habarlandyrýǵa qyzyǵýshylyq bildirgen adamǵa alaıaqtyń banktik kartasynyń derektemeleri kórsetilgen SMS-habarlama jiberiledi jáne klıenttiń tólem qabiletin rastaıtyn «durys úzindi-kóshirme» alý úshin «belgili bir syıaqy» aýdarý talap etiledi. Sodan keıin osy SMS-habarlamada kórsetilgen «BJZQ» AQ bólimsheleriniń birinde Qor qyzmetkeri «durys úzindi-kóshirmeni» beredi-mys.
Zeınetaqy qory Qazaqstan azamattarynyń zeınetaqy jınaqtary týraly anyqtamany Qordyń kez kelgen bólimshesine kelý arqyly, sonymen qatar elektrondyq poshta, Qor saıty, «BJZQ» AQ uıaly qosymshasy jáne egov.kz elektrondyq úkimeti boıynsha tegin alatyndyqtaryn taǵy da eskertedi.
Qazirgi ýaqytta BJZQ oryn alǵan derekterge qatysty málimetterdi prosessýaldyq sheshim qabyldaý úshin quqyq qorǵaý organdaryna joldady.
Aınash ESALI,
«Egemen Qazaqstan».
ALMATY