Qostanaı oblysy óńirinde 4 kúnge sozylǵan «Brakoner» jedel-profılaktıkalyq sharasynda tabıǵat qorǵaý organdary 56 jedel top qurdy. Úsh kún boıy ań aýlaıtyn jáne balyq sharýashylyǵyna, sý aıdyndaryna reıd júrgizildi. 112 reıd kezinde 553 ańshylar men balyqshylar tekserildi.
Qamysty aýdanynda ustalǵan úsh ańshy «Qyzyl kitapqa» engen qazdy atqan. Úsh ańshydan 2 qarý tárkilendi, olardyń tabıǵatqa keltirgen shyǵyny 721000 teńgeni quraǵan. Bul is boıynsha sotqa deıingi tergeý jumystary júrip jatyr.
Polıseıler reıdter kezinde 66 ákimshilik quqyq buzýshylyqty anyqtady. Onyń ishinde 38 adam zańsyz ańshylyq jasaǵany, 19 adam zańsyz balyq aýlaǵany jáne 9 adam tirkelmegen qarý saqtaǵany úshin ákimshilik jaýapkershilikke tartyldy. Olarǵa 384 775 teńge aıyppul salyndy.
Názıra JÁRIMBET,
«Egemen Qazaqstan»
Qostanaı