Kýrchatov qalasyndaǵy Qazaqstan Ulttyq ıadrolyq ortalyǵynda elimizdegi AQSh elshiliginiń ókilderi, DTRA men DOE/NNSA uıymdarynyń mamandary men ǵalymdary bas qosqan arnaıy jıyn bolyp ótti. Alqaly jıyn jappaı qyryp-joıý qarýyn taratpaý jónindegi Qazaqstan-AQSh kelisimshartynyń 25 jyl tolýyna arnaldy.
Osy kelisimsharttan keıin Qazaqstan men AQSh qurlyqaralyq ballıstıkalyq raketalardy joıdy. Iаdrolyq qarýdy taratpaýdy jáne atom synaqtarynan keıingi el men jer jarasyn emdeýdi qolǵa aldy.
Qazaqstannyń beıbitshilik baǵytyndaǵy qundy qujattary Nanna-Lýgara baǵdarlamasynyń oryndalýyna yqpal etti.
25 jyldyq dostyq áriptestik arqasynda Qazaqstan Ulttyq ıadrolyq ortalyǵy men AQSh-tyń Qorǵanys jáne Energetıka mınıstrlikteri arasynda tyǵyz baılanys ornatylyp, burynǵy Semeı ıadrolyq synaq polıgonyn qaýipsiz jaǵdaıǵa kóshirý máselesi talqylandy. Iаdrolyq atom qarýy qaldyqtary el aıaǵy barmaıtyn jerlerge aýystyryldy.
– Semeı ıadrolyq synaq polıgonynda atqarylǵan jumystarǵa oraı, polıgon aýmaǵynyń basym bóligi tekserildi, – dedi Ulttyq ıadrolyq ortalyqtyń bas dırektory Erlan Batyrbekov, – bul polıgon jerindegi Qazaqstan men kúlli álemge tónip turǵan qaýipti seıilttik. Injenerlik jáne fızıka turǵysynan alyp qaraǵanda, jaǵdaı birqalypty.
AQSh ókilderi qatysqan jınalysty qorytyndylaı kele, Erlan Batyrbekov bylaı dedi: «Mine, 25 jyl ishinde biz kóptegen tájirıbe jınaqtadyq. Qazaq ǵylymynyń damýy úshin bul asa mańyzdy. Aldaǵy ýaqytta da AQSh pen Qazaqstan áriptestigi jalǵasa beretin bolady».
Raýshan QABJANQYZY,
«Egemen Qazaqstan»
Shyǵys Qazaqstan oblysy, Kýrchatov qalasy