Ulttyq bank «Sport» serııasy aıasynda FIFA WORLD CUP 2026 kolleksııalyq monetalaryn aınalymǵa shyǵarýdy josparlap otyr. Bul monetalar álemdik fýtbol dodasyna arnalǵan arnaıy nýmızmatıkalyq ónim retinde usynylmaq. Monetalardyń naqty satylymǵa shyǵý ýaqyty týraly aqparat Ulttyq banktiń resmı saıtynda qosymsha jarııalanady, dep jazady Egemen.kz.
Jańa kolleksııalyq moneta FIFA-nyń resmı lısenzııasymen daıyndaldy. Jobanyń seriktesi – nemistiń MDM Münzhandelsgesellschaft mbH & Co. KG Deutsche Münze kompanııasy.
FIFA WORLD CUP 2026 – fýtbol tarıhyndaǵy XXIII álem chempıonaty, ári bul týrnır alǵash ret úsh elde – Kanada, AQSh jáne Meksıkada qatar ótkiziledi. Sonymen birge jarys formaty keńeıip, qatysýshy quramalar sany 48 komandaǵa deıin ulǵaıtylady.
Monetanyń syrtqy kelbeti sımvolıkalyq ári mazmunǵa baı. Onyń reversinde:
Kanada, AQSh jáne Meksıka jalaýlary beınelengen; ortasynda jer shary men «FIFA WORLD CUP 26 TM» jazýy bar; tómengi bóliginde FIFA Álem kýboginiń beınesi ornalasqan; fýtbol doby kompozısııasynda fýtbolshylardyń beıneleri kórinis tabady.Bul elementter fýtboldyń jahandyq mánin jáne týrnırdiń halyqaralyq deńgeıin aıqyndaıdy.
Satybaldyǵa tıesili bolýy múmkin monetalar aýksıonǵa qoıyldy
Tehnıkalyq sıpattamalary, kólemi, taralymyMoneta mynadaı parametrlerge ıe:
925 synamaly kúmis salmaǵy – 20 gramm dıametri – 37 mm daıyndaý sapasy – proof nomınaly – 1000 teńgeMonetaǵa túrli tústi baspa jáne altyn jalatý tehnologııasy qoldanylǵan.
Jalpy taralymy – 2000 dana:
1500 danasy – Qazaqstannyń ishki naryǵyna; 500 danasy – syrtqy naryqqa (MDM arqyly).Bul monetalar − shekteýli tırajben shyǵarylatyn kolleksııalyq ónim.
Olımpıada-2026: Ulttyq bank jańa kolleksııalyq monetalardy shyǵarady
Monetalar Qazaqstan aýmaǵynda:
barlyq tólem túrleri boıynsha qabyldanady; bankterde shottarǵa esepke alynady; aýdarýǵa jáne aıyrbastaýǵa jaramdy.Iаǵnı olar zańdy tólem quraly retinde tolyq qoldanylady.
FIFA WORLD CUP 2026 kolleksııalyq monetasy – tek nýmızmatıkalyq qundylyq qana emes, sonymen qatar álemdik fýtbol tarıhyndaǵy mańyzdy oqıǵaǵa arnalǵan sımvoldyq belgi.
Monetalar Qazaqstan teńge saraıynda daıyndalǵan, bul otandyq óndiristiń sapasy men múmkindigin taǵy bir márte aıǵaqtady.
Qazaqstanda endi eki nomınaldaǵy monetalar shyǵarylmaıdy