Almaty qalasynda júrgizilgen tekserý nátıjesinde jeke sot oryndaýshysynyń bıýdjet qarajatyn zańsyz ıemdengeni anyqtalyp, sot úkimimen jaza taǵaıyndaldy. Qarjylyq zańbuzýshylyqtyń naqty shemasyn qalalyq prokýratýra áshkeredi, dep jazady Egemen.kz.
Almaty qalasynyń prokýratýrasy málimetinshe, jeke sot oryndaýshylarynyń qyzmetine júrgizilgen tekserý barysynda zańsyz áreketter tirkelgen. Atap aıtqanda, jeke sot oryndaýshysy qyzmettik jaǵdaıyn paıdalanyp, 2024 jyl ishinde alıment óndirý boıynsha atqarýshylyq is júrgizýler aıasynda óz qyzmetine aqy retinde bıýdjetten 4,2 mln teńge zańsyz alǵan.
Atyraýda alıment tólemegenderdiń bereshegi 3 mlrd teńgeden asqan
Tergeý barysynda belgili bolǵandaı, qoldanystaǵy zań talaptaryna sáıkes bir atqarýshylyq is júrgizý boıynsha tólem jylyna bir retten artyq tólenbeýi tıis. Alaıda sot oryndaýshysy bul normany óreskel buzyp, Ádilet departamentine 47 atqarýshylyq is boıynsha 76 ret qaıtalama esep joldaǵan. Osylaısha ol bıýdjet qarajatyn júıeli túrde zańsyz ıemdenip otyrǵan.
Almaly aýdandyq soty úkimimen kináli tulǵa 2 jyl 4 aı merzimge bas bostandyǵynan aıyrylyp, sondaı-aq 5 jyl merzimge tıisti qyzmetpen aınalysý quqyǵynan aıyryldy.
Oralda alıment tólemegen boryshker bas bostandyǵynan aıyryldy