Astana qalasynyń qylmystyq ister jónindegi aýdanaralyq soty tanymal blogerler Erbolat Janabylov pen Elmıra Tólegenovaǵa qatysty úkim kesti. Erli-zaıyptylar onlaın-kýrstar men utys oıyndary arqyly qatysýshylardy aldady dep aıyptaldy, dep habarlaıdy Egemen.kz.
Sot barysynda aıyptalýshylar óz kinásin tolyq moıyndap, ókinish bildirgen. Sondaı-aq olar memleketke keltirilgen 247,6 mln teńge kólemindegi múliktik shyǵyndy óz erkimen ótegen. Osyǵan baılanysty taraptar prokýrormen prosessýaldyq kelisimge keldi:
Erbolat Janabylovtyń múlki tárkilenip, 2 jylǵa shartty túrde bas bostandyǵynan aıyryldy. Elmıra Tólegenovaǵa 2 jylǵa bas bostandyǵynan aıyrý jazasy kesildi. Alaıda sot úkimniń oryndalýyn 2 jylǵa shegerdi.Tergeý nusqasy boıynsha, blogerler onlaın-kýrstar satyp, suranysty arttyrý úshin qymbat avtokólikter men syılyqtar utysyn uıymdastyrǵan. Olar utys qory «óz qarajatymyzdan quraldy» dep jalǵan aqparat taratqan. Is júzinde syılyqtar qatysýshylardyń kýrstar úshin tólegen aqshasy esebinen alynǵan bolyp shyqty.
Shymkentte ákimdikten 10 mln teńge bopsalaǵan bloger sottaldy