2026 jylǵy 16 mamyrda keshki saǵat 23:10 shamasynda Pavlodar alıýmınıı zaýytynda óndiristik oqıǵa tirkeldi. №3 peshtiń keptirý aımaǵyn tazalaý kezinde jınalyp qalǵan materıal qabatynyń bir bóligi qulaǵan, dep habarlaıdy Egemen.kz.
Sol sátte aýmaqta kúıejentekteý sehynyń eki qyzmetkeri jumys istep júrgen. Oqıǵa saldarynan dıirmen mashınısi oń aıaǵynan jaraqat alyp, súıegi synǵan. Al aglomerattaýshynyń oń aıaǵyndaǵy jumsaq tinder zaqymdanǵanymen, dárigerler súıek synýyn anyqtamady. Onyń eńbekke jaramdy ekeni habarlandy.
Zardap shekkenderge oqıǵa ornynda alǵashqy medısınalyq kómek kórsetilip, keıin oblystyq aýrýhanaǵa jetkizilgen. Medısınalyq tekserýden soń aglomerattaýshy ambýlatorııalyq baqylaýǵa jiberilse, dıirmen mashınısi aýrýhanaǵa jatqyzyldy.
Oqıǵadan keıin ónerkásip qaýipsizdigine jaýapty ýákiletti organ mamandary zaýyt aýmaǵynda tekserý júrgizdi. Nátıjesinde qaýipti óndiristik nysanda apat belgileri anyqtalmaǵany málim boldy.
Aıta keteıik, О́skemen qalasyndaǵy Karbyshev kóshesinde ornalasqan aspaly jaıaý júrginshiler kópirinde 8 adam zardap shekti.
Aqmola oblysyndaǵy sút zaýytynda jarylys bolyp, 2 jumysshy kúıik alyp aýrýhanaǵa jetkizildi.