Reseılik BAQ-ta Elena Zelenskaıaǵa qatysty qylmystyq is qozǵalýy múmkin degen aqparat paıda boldy, dep habarlaıdy Egemen.kz.
Málimetterge sáıkes, Ýkraınadaǵy sybaılas jemqorlyqqa qarsy organdar – Ýkraınanyń Ulttyq antıkorrýpsııalyq bıýrosy jáne Mamandandyrylǵan antıkorrýpsııalyq prokýratýra onyń isin tekserip jatyr degen boljam bar. Sondaı-aq derekkózder bul jaǵdaı Vladımır Zelenskııge belgili bolýy múmkin ekenin jáne qaýipsizdik sharalary kúsheıtilgenin alǵa tartady.
Zelenskıı: Reseı shabýyl operasııalaryn josparlap, mobılızasııany keńeıtýdi kózdep otyr
Alaıda Ýkraınanyń Sybaılas jemqorlyqqa qarsy ulttyq bıýrosy men Mamandandyrylǵan sybaılas jemqorlyqqa qarsy prokýratýrasy prezıdent jubaıyna qatysty eshqandaı tergeý áreketteri júrgizilmeıtinin málimdedi.
Olardyń málimetinshe, Zelenskaıaǵa qatysty «tergeý júrip jatyr» degen aqparattar reseılik jáne reseıshil BAQ-ta ádeıi taratylyp jatqan jalǵan aqparattyń bir bóligi bolyp sanalady.
Ýkraına antıkorrýpsııalyq organdary mundaı aqparattyq shabýyldardyń maqsaty – eldegi memlekettik ınstıtýttardyń bedeline nuqsan keltirý, qoǵamdaǵy turaqtylyqty álsiretý jáne soǵys jaǵdaıyndaǵy el birligine syzat túsirý ekenin atap ótti. Vedomstvolar azamattardy feık aqparat pen manıpýlıasııalardy taratpaýǵa shaqyrdy.
Zelenskıı Pýtınmen kelissóz ótkizýdiń basty shartyn atady
Mamandandyrylǵan sybaılas jemqorlyqqa qarsy prokýratýra ókilderi de Reseı propagandasy buǵan deıin birneshe ret antıkorrýpsııalyq tergeýlerdi Ýkraınadaǵy ishki jaǵdaıdy turaqsyzdandyrý quraly retinde paıdalanýǵa tyrysqanyn málimdedi.