Ulttyq kitap jáne kitaphanashylar kúni qarsańynda Alash arystarynyń atamekeninde belgili qalamger, Qazaqstan Respýblıkasy Prezıdentiniń BAQ salasyndaǵy syılyǵynyń laýreaty, medıa zertteýshi Tólen TILEÝBAIDYŃ «Aqtoǵaıym, men seniń bir ulyńmyn!» atty shyǵarmashylyq keshi ótti.
Kópshilik keshtiń aldynda mádenıet úıiniń foıesinde «Adal aryń – aq mamyq jastyǵyń» degen taqyryppen Tólen Tileýbaıdyń shyǵarmashylyǵyna arnalǵan kórmeniń kózaıymy boldy. Kórmege qalamgerdiń shyǵarǵan kitaptary, baspasózde jarııalanǵan maqalalary men suhbattary, shyǵarmashylyq jetistikterinen maǵlumat beretin fotosýretter qoıylǵan.
Balalyqtyń dastanyndaı bolǵan «Túlkilitaýdyń aspany» kitaby – qalamgerdiń tórtinshi kitaby, al proza janryndaǵy alǵashqy týyndysy. Tólen áriptesimiz ádebıetke tosynnan kelgen joq. Jýrnalıstıkaǵa óleń jazyp kelgen ol «Shabyt» festıvalinde qazaqtyń aıaýly aqyn qyzy Farıza Ońǵarsynovanyń batasyn alypty.
Sonda Farıza aqyn: «Aınalaıyn, Tólen baýyrym, pýblısıstıkańmen tanyspyn. Jazýyńa rızamyn. Biraq, sen prozany qolǵa alyp kórshi. Qolyńnan keledi», dep senim bildirgen eken.
Mine, aqynnyń bir aýyz pikiri qalamyna qýat berip, kórkem shyǵarmanyń da aýylyna at baılatty. Qalamgerdiń alǵashqy prozalyq jınaǵyna «Túlkilitaýdyń aspany» atty povesi jáne áńgimeleri engizilipti. Alǵashqy povesine aýyl balasynyń arman-tilegi, maqsat-muraty, adamnyń boıyndaǵy adaldyq, meıirim sııaqty izgi qasıetter arqaý bolǵan. Avtor shyǵarmanyń bas keıipkeri Ámirdiń balalyq shaǵyn sýretteý arqyly aýyldyń mamyrajaı tirshiligin saǵynyshpen jetkizedi.
Kesh shymyldyǵy talantty balalar somdaǵan povest úzindisimen túrildi. Bala Ámirdiń ákesine «aýyl ǵajabyn kitapqa túsiremin», degen ýádesinen soń, sahnaǵa qurmetti kesh ıesi kóterildi. Sonda povestegi bas prototıptiń ózi ekenin túsingenin kórermen qol soqty.
Jastaıynan ónerge ǵashyq bolyp ósken bala Tólenniń ónerdegi, ómirdegi qutty, baqty, berekeli jolyn ashyp bergen osy turǵan qasıetti sahna edi. Ol oqýshy kezinde 1991 jyly Aqtoǵaı aýdandyq mádenıet úıinde ótken «Jigit sultany» baıqaýyna qatysyp, 2-shi oryn alyp, «Sheshen jigit» atanǵan edi. Endi mine, sodan bergi ýaqytta kemeline tolyp, el aǵasy bolyp sahnaǵa qaıta shyǵyp, shyǵarmashylyq qýatymen týǵan eline rýh syılaǵaly keldi.
Keshti aqparattyq tehnologııalar mamany, Abaıtanýshy ǵalym Sultan Ybyraı júrgizdi.
Tólen áriptesimizdiń sóz ónerine óleń jazyp kelgeni belgili. Aqtoǵaı halyq teatrynyń ártisteri aqynnyń jalyndaǵan jastyq shaǵyndaǵy jazǵan óleńderin oqydy.
Týǵan jerge, Aýyl-Anaǵa degen zor súıispenshilikten týǵan Tólen Tileýbaıdyń sózine jazylǵan kompozıtor Medet Salyqovtyń «Aqshıip – án arqaýym» ánin «Tolqyndastar» toby shyrqady.
Astanada «Aldaspan» shyǵarmashylyq keshi ótti
Qolyna qasıetti qalam ustaǵan janǵa qurmet kórsetý, tórge shyǵarý – qazaq baspasózine, qazaq ádebıetine, tutas ultqa degen qurmetpen barabar. О́z kezeginde aýdan ákimi Abylaı Amanjolov aqtoǵaılyqtardyń atynan qalamgerge qurmet kórsetti.
Dástúrli ánniń dúldúli Erjan Bazarbekov qalamgerin ardaqtap, kesh ótkizip jatqan Aqtoǵaıdyń eline rızashylyǵyn bildirip, Úkili Ybyraıdyń «Shattyq», Balýan Sholaqtyń «Ǵalııasyn» oryndady.
Qurmetti meımandar da sahnaǵa kóterilip, kesh ıesine qutty bolsyn aıtty. Qazaqtyń Sary tentegi, aqyn, bard Qýanysh Maqsutov, aqyn Músirkep Seıdahmet, jýrnalıst, qoǵam qaıratkeri Maqpal Orynbet jyly lebizderin jetkizip, aldaǵy shyǵarmashylyq jolyna sáttilik tiledi.
«Ortalyq Qazaqstan» gazetiniń bas redaktory Ersin Musabek «Saryarqa aqparat» medıaholdınginiń dırektory Qaırat Ábildanyń quttyqtaý hatyn tabystap, ıyǵyna shapan japty. Aqyndar Músirkep Seıdahmet pen Rýslan Nurbaı óleńderin oqyp, kitaptaryn syılady.
«Qaraǵandy ýnıversıteti» jýrnalynyń bas redaktory Gúlnar Shomenova, ýnıversıtettiń «Úkili úmit» klýbynyń atynan aqyn Nurasyl Amanjol sóz sóılep, estelik syılyqtaryn tartý etti.
Aqyn, kompızıtor Qalıasqar Shynybektegi meımandardyń atynan án salyp berdi.
Shildebaevtyń shyǵarmashylyq keshi
Tólen Zárýbaıulyn oqýshy kezinen ónerge baptaǵan aýyldaǵy mádenıet úıiniń meńgerýshisi Janar Tóselbaeva óleń jazylǵan sarǵaıǵan qaǵazdy syıǵa tartty.
Kejek aýylynyń ákimi Meıirbek Mákenbaev ta jazýshylaryna syı jasady.
Ardager ustaz, qalamgerdiń apasy Dybys Tileýbaeva da sahnaǵa shyǵyp, jazýshysyn alaqanyna salǵan aqtoǵaılyqtarǵa, alystan at aryltyp kelgen meımandarǵa alǵysyn jaýdyrdy.
Kesh sońynda «Túlkilitaýdyń aspany» kitaby keńinen talqylanyp, jas oqyrmandar jazýshymen erkin suhbat qurdy. Aqtoǵaıdyń aspanynda perzenttik mahabbattyń áni qalyqtap, qazaq sóziniń qudireti taǵy bir márte ulyqtaldy.
Qaraǵandy oblysyAqtoǵaı aýdany