Ulybrıtanııanyń Herogeıt qalasynda Institution of Engineering and Technology uıymdastyrǵan bedeldi UK First Lego League Championship halyqaralyq robototehnıka chempıonatynda Qazaqstan namysyn qorǵaǵan elordalyq oqýshylar zor jetistikke jetti. Olar eki birdeı basty marapatty ıelenip, el mereıin asqaqtatty, dep jazady Egemen.kz.
Astana qalasynyń quramasy baıraqty básekede robot-oıyn boıynsha birinshi orynǵa ıe bolyp, sondaı-aq jarystyń úzdik komandasy atandy. Bul – halyqaralyq deńgeıdegi joǵary daıyndyq pen júıeli eńbektiń aıqyn nátıjesi.
Atalǵan chempıonatqa Ulybrıtanııa, Brazılııa, Fransııa, Germanııa, Slovakııa syndy elderden barlyǵy 68 komanda qatysty. Elordalyq komanda bul dodaǵa Astanada ótken Central Asia First Championship týrnırinde joldama alǵan edi.
Qazaqstandyq oqýshy Sıngapýrda ótken robototehnıka chempıonatynda kúmis júlde ıelendi
Jarys barysynda oqýshylar tek robot-oıynmen shektelmeı, «artifacts.kz» atty jobasyn da tanystyrdy. Bul – Qazaqstandaǵy arheologııalyq artefaktilerdiń onlaın-bazasyn qalyptastyrýǵa baǵyttalǵan tyń bastama. Joba aıasynda qatysýshylar ıdeıadan bastap zertteý, tehnıkalyq ázirleý jáne profıldi ınstıtýttarmen baılanys ornatýǵa deıingi tolyq prosesti qamtydy.
Sarapshylar atalǵan jobany tehnologııalyq deńgeıi joǵary ári ulttyq mádenı murany saqtaýǵa qosqan naqty úlesi úshin erekshe atap ótti. Bul bastama jas býynnyń ǵylym men tehnologııany ıgerýmen qatar, tarıhı qundylyqtarǵa degen jaýapkershiligin de aıqyn kórsetti.
SQO-da IT-ortalyqtar ashyldy: Aýyl jastary robototehnıkany meńgeredi