Qazaqstanda taýyq jumyrtqasyn shetelden ákelýge alty aıǵa ýaqytsha tyıym salyndy. Bul sheshim otandyq qus fabrıkalaryn qoldaý maqsatynda qabyldanyp, 21 sáýirden bastap kúshine endi. Tıisti buıryq Ashyq normatıvtik-quqyqtyq aktiler portalynda jarııalanǵan. Shekteý Eýrazııalyq ekonomıkalyq odaq elderimen qatar, basqa memleketterden keletin ımportqa da qatysty, dep habarlaıdy Egemen.kz.
Buǵan deıin de osyndaı sharalar engizilgen bolatyn, alaıda ol kezde tyıym merzimi qysqa bolǵan. Qazirgi qadam ishki naryqtaǵy óndiristi kúsheıtip, jergilikti ónimniń básekege qabiletin arttyrýǵa baǵyttalǵan.
2025 jyldyń qorytyndysy boıynsha Qazaqstanda 4,5 mlrd dana jumyrtqa óndirilip, bul kórsetkish bir jylda 2,4%-ǵa artqan. Al ımport kólemi is júzinde ózgerissiz qalyp, 89,7 mln dana shamasynda boldy. Negizgi jetkizýshiler – Reseı, Qyrǵyzstan jáne Belarýs.
Elimizde ımporttyq taýarlardyń baǵasy birneshe paıyzǵa arzandaýy múmkin
Sonymen qatar, ınkýbasııalyq jumyrtqa ımporty aıtarlyqtaı ósip, 29,7%-ǵa kóbeıip, 104,6 mln danaǵa jetken. Bul ónim kóbine Túrkııa, Reseı jáne О́zbekstannan jetkizilgen.
Al eksport kólemi kerisinshe tómendep, 10,3 mln danaǵa deıin qysqarǵan. Jumyrtqa negizinen Aýǵanstan men Qyrǵyzstanǵa jóneltilgen.
2026 jyldyń alǵashqy eki aıynda saladaǵy ósim jalǵasyn tapty. О́ndiris 716,1 mln danaǵa jetip, ótken jylmen salystyrǵanda 8,3%-ǵa artqan. Import úsh esege jýyq qysqaryp, 10,4 mln dana boldy. Bul kezeńde barlyq jetkizilim Reseıden kelgen.
Inkýbasııalyq jumyrtqa ımporty da 7,5%-ǵa tómendedi. Al eksport, kerisinshe, 39,3%-ǵa ósip, 2,7 mln danaǵa jetti. Negizgi baǵyt – Qyrǵyzstan.
Importqa táýeldilik áli joǵary: Elimiz qandaı kásibı jáne tehnıkalyq qyzmetterdi satyp alyp otyr?
Jalpy alǵanda, eldegi jumyrtqa naryǵynda ishki óndiris qarqyndy damyp, ımportqa táýeldilik azaıyp keledi. Sarapshylardyń pikirinshe, engizilgen ýaqytsha shekteý otandyq óndirýshilerdiń naryqtaǵy úlesin odan ári arttyrýǵa múmkindik beredi.