Halyqaralyq fýtbol qaýymdastyqtary federasııasy (FIFA) qazan aıyndaǵy ulttyq quramalardyń reıtıngin jańartty. Jarııalaǵan reıtıngine sáıkes Qazaqstan ulttyq quramasy ótken aımen salystyrǵanda bir satyǵa kóterildi.
Qazan aıynyń qorytyndysy boıynsha Qazaqstan quramasy 117 orynǵa jaıǵasty. Ulttyq qurama qazan aıynda ÝEFA Ulttar lıgasy aıasynda eki match ótkizdi. Syrt alańda Latvııa quramasymen 1:1 esebimen teń tússe, elordada ótken kezdesýde Andorra fýtbolshylaryn 4:0 esebimen jeńgen-di.
Stanımır Stoılov komandasy kelesi oıynyn 15 qarasha kúni «Astana Arena» stadıonynda Latvııamen ótkizedi. Kezdesý Astana ýaqytymen 21:00-de bastalady. 19 qarasha kúni bizdiń fýtbolshylar syrt alańda Grýzııamen oınaıdy.
Daıyndaǵan Álı BITО́RE,
«Egemen Qazaqstan»