Elbasynyń «Bolashaqqa baǵdar – Rýhanı jańǵyrý» atty maqalasynan týyndaǵan «О́zgeristerdi ózińnen basta» kishi baǵdarlamasyn óńirlerde júzege asyrylýyna jańa serpin berý maqsatynda issaparmen kelgen Agenttiktiń jurtshylyqpen baılanys jónindegi departamentiniń dırektory Arman Berdalın jáne respýblıkalyq arnaıy monıtorıng tobynyń múshesi, elimizge belgili etnodızaıner Yrza Tursynzada agenttiktiń aýmaqtyq departamenti qyzmetshilerimen birlesip issapardyń ekinshi kúnin Mańǵystaý aýdany Shetpe selosynda jalǵastyrdy.
Arnaıy monıtorıng tobynyń ókilderi aýdannyń aktıvterimen kezdesý ótkizip, qyzmetterimen tanysyp, respýblıkalyq arnaıy monıtorıng tobynyń maqsaty men mindetterine, sybaılas jemqorlyqqa qarsy is-qımyldy tıimdi júrgizý úshin, qoǵamda sybaılas jemqorlyqqa qarsy mádenıetti qalyptastyrý maqsatynda ár qyzmetshi ózgeristi ózinen bastý kerektigin aıtty. Sondaı-aq, Facebook áleýmettik jelisindegi jeke paraqshasyna kez-kelgen turǵynnyń óz kókeıindegi oı-pikirin joldaýǵa tolyq múmkindigi bar ekenin, jurtyshylyqpen keri baılanys mehanızmderin jetildirý baǵytyndaǵy qolǵa alynǵan bastamalar ýákiletti organnyń ashyqtyǵynyń dáleli ekenin atap ótti.
Issapar barysynda qonaqtar kezdesýdi Mańǵystaý aýdandyq aýrýhanasynda jalǵastyrdy. Kezdesý barysynda 2011 jyly paıdalanýǵa berilgen ǵımarttyń qabyrǵalary shytynap, qulap, salynǵanyna az ýaqyt bolsa da, sapasy syn kótermeı turǵandyǵy anyqtaldy. Sondaı-aq arnaıy delegasııa aýdannyń arnaıy monıtorıng top músheleriniń usynysy boıynsha bıyl ǵana paıdalanýǵa berilgen №7 mektep lıseıine baryp, qurylys sapasymen tanysty. Anyq bolǵandaı, sapasy syn kótermeıtin ǵımaratqa taǵar min óte kóp. Bir ókinishtisi, sapasyz salynǵan mektepte balalar bilim alýda. Odan soń, aýdandyq halyqqa qyzmet kórsetý ortalyǵyna barǵan qonaqtar aýdandyq arnaıy monıtorıng tobynyń bastamasymen bul jerden de birneshe olqylyq taýyp, mekeme basshylyǵyna birqatar eskertýler jasady. Issapar sońynda Mańǵystaý aýdandyq tehnıkalyq kolledjine kelgen arnaıy top stýdenttermen, ustazdarmen kezdesip, usynys-pikirlerin tyńdap qaıtty.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy