«Lester Sıtı» fýtbol klýbynyń ıesi Vıshaı Shrıvaddanaprabha qaza boldy. Ol senbi kúni keshke apatqa ushyraǵan tikushaqtyń bortynda bolǵan. Bul týraly klýbtyń Tvıtter paraqshasynda habarlandy.
Senbi kúni keshke «Kıngs Paýer» stadıonynyń mańynda qulaǵan tikushaq bortynda klýb ıesinen basqa taǵy 4 adamnyń qaza tapqany rastaldy. Borttaǵy bes adamnyń eshqaısysy aman qalǵan joq.
Qaıǵyly oqıǵa «Vest Hem Iýnaıtedpen» kezdesýden keıin Lesterdegi stadıon janynda bolǵan. Tikushaqta barlyǵy bes adam bolǵan, onyń ishinde bıznesmenniń áıeli men qyzy da bar.
Tikushaq stadıonnyń aýmaǵynan match aıaqtalǵannan keıin bir saǵat ótken soń ushyp ketken, kýágerlerdiń aıtýynsha, tikushaq ushqan boıda jyldamdyǵyn joǵaltyp, avtokólik turaǵynyń janynda qulap, órtengen. О́rtti sóndirý úshin 20 mınýt ketken.