«Kedergisiz orta» qalyptastyrý – kezek kúttirmeıtin is

Elbasy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda aldaǵy ýaqytta múmkindigi shekteýli tulǵalarǵa arnalǵan «kedergisiz orta» qa­lyptastyrýǵa zor mán berilýi tıistigin aıtty.

Osy rette «Nur Otan» par­tııa­synyń birneshe jyl boıy «Kedergisiz keleshek» áleýmettik jobasyn júzege asyryp kele jatqanyn atap ótken jón. Partııa qyzmetin jańǵyrtý aıasynda bul joba odan ári jandanyp, jetile tústi. Osyndaı ıgi bastamalar arqyly nurotandyqtar múmkindigi shekteýli jandar men erekshe qajettilikterdi talap etetin azamattardyń ómir súrý sapasyn jaqsartýdy kózdeıdi.

Ashylý rásiminde barsha qa­tysýshylardy quttyqtap, olar­­ǵa sáttilik tilegen «Nur Otan» partııasy Tóraǵa­sy­nyń bi­­rinshi orynbasary múmkindigi shek­teý­li jandarǵa qoldaý kór­se­tý par­tııanyń negizgi basym­dyq­tary­nyń biri ekenin tilge tıek etti.

So­ny­men qatar partııa Tór­aǵa­synyń birinshi orynbasary mundaı spartakıadalardyń maq­saty jeńimpazdy anyqtaý emes, qaıta ómir qundylyqtaryn dáriptep, rýhy myqty jandarǵa qurmet kórsetý, tózimdilikti, qajyrlylyqty, tabandylyqty nasıhattaý ekenin aıtty.

Odan bólek, M.Áshimbaev ashylý saltanatyna Qazaqstan pa­ralımpıada quramasynyń mú­sheleri kelgenine nazar aýdaryp:

– Búgingi saıysqa osy qazan aıynda Indonezııada ótken parazıada oıyndarynda elimizdiń namysyn abyroımen qorǵaǵan kásibı sportshylardyń arnaıy qatysýy úlken mańyzǵa ıe. Sebebi mundaı qadam qashanda jas sportshylardyń yntasyn oıatyp, jigerin janı túsedi, – dedi.

Sondaı-aq «Nur Otan» partııasy Tóraǵasynyń birinshi orynbasary áleýmettik sala qyz­met­ker­leri kúnine oraı birqatar ma­mandy kásibı merekelerimen qut­tyqtap, partııanyń atynan al­ǵys hattarmen marapattady. Ol óz sózinde áleýmettik sa­la qyz­­­­metkerleriniń eńbe­gi qa­­ıy­rymdylyqtyń, meıirim­di­­lik­tiń, izgiliktiń úlgisi ekenin aıtty.

Spartakıada «Nur Otan» partııasymen birge Astana qalasy ákimdiginiń, «Teń múmkindikter álemi» múmkindigi shekteýli balalary bar ata-analar qoǵamynyń, «Bochcha» paralımpıadalyq sport federasııasynyń, «Jiger» sport klýbynyń jáne «Kaspıı» sportty damytý qorynyń uıym­das­ty­rýymen ótkizildi. Saıysqa 200-den astam sportshy qatysyp, ús­tel tennısi, toǵyzqumalaq, oty­­ryp oınaıtyn voleıbol, «64» doı­bysy, paýerlıftıng, gol­bol, bochcha jáne shahmattan syn­ǵa túsýde.

Sonymen qatar spartakıa­da aıasynda «Bochcha» paralım­pıadalyq sport federasııasynyń resmı túrde ashylǵanyn atap ótken jón. Bul sport tirek qı­myl apparaty buzylǵan, DSP aýrýynyń eń aýyr túri­ne shal­dyqqan jandarǵa sport­tyq bá­se­kelerde baq synaýǵa múm­kindik beretin saıys túrleriniń biri. Boý­lıng pen petanka sııaqty bochcha da doppen oınalatyn koman­dalyq saıys. Ol oıynshylardy dáldikke, shıraqtyqqa baýlıdy.

Aıta keteıik, spartakıada Pa­ralımpıadalyq jattyǵý orta­ly­­ǵynda ótti. Bul biregeı sport ke­­sheniniń zaldary tolyqtaı múm­kin­digi shekteýli jandarǵa arnalyp jabdyqtalǵan. Nysan Qa­zaq­stan Respýblıkasy Ulttyq pa­ralımpıadalyq komıtetiniń bas­­tamasymen salyndy. Munda ámbebap, beıimdelgen jattyǵý za­ly, sport oıyndaryna arnal­ǵan bó­­­lek zal jáne jekpe-jek zaly bar.

Búginde bas qalamyzda 382 múm­kindigi shekteýli jan beıim­delgen sport túrlerimen turaqty túrde aınalyssa, sondaı sport úıirmelerine keletin balalar sany – 145.

Joldybaı BAZAR,

«Egemen Qazaqstan»