2019 jyldyń 1 qańtarynan bastap jumysshylardyń jalaqysyn ósiretin kásiporyndar sany 88-den arta túsýi múmkin. О́ıtkeni halyq tabysyn ósirý jáne eńbekaqy tóleý júıesin jetildirý turǵysynan Elbasy Joldaýyn iske asyrý maqsatyndaǵy jumystar jalǵasatyn bolady.
Túrkistan oblysynyń ákimi Janseıit Túımebaevtyń aıtýynsha, búginde oblys aýmaǵyndaǵy 9798 kásiporynda 105811 jumysshynyń 13674-i (12,9%) 42500 teńgeden tómen jalaqy alady. Bul derekter oblys ákimdigi júrgizgen arnaıy taldaý nátıjesinde anyqtalǵan. Budan bólek, oblystaǵy memlekettik bıýdjettik mekemelerde 42 500 teńgeden tómen jalaqy alatyn 52 170 jumysshy bar ekeni belgili boldy. Osyǵan oraı, atalǵan kásiporyndar men mekemelerde Elbasynyń Joldaýyn iske asyrý maqsatynda úgit-nasıhat jumystary júrgizilgen. Nátıje bar. Mysaly, «Kentaý transformator zavody» aksıonerlik qoǵamy ortasha jalaqyny 40 paıyzǵa ıaǵnı, 75 myńnan 105 myń teńgege deıin ósirmek. «Kas Beton» JShS-inde de ortasha jalaqy edáýir kóteriletin bolady. О́ńir basshysynyń aıtýynsha, oblystaǵy júzge jýyq iri jáne orta kásiporyndar men mekemelerde túsindirý jumystary jáne kelissózder júrgizilip, olardyń basym bóliginiń basshylary jumysshylarynyń jalaqysyn kóterýge kelisim bergen.
Ǵalymjan ELShIBAI,
«Egemen Qazaqstan»
Túrkistan oblysy