Qazaqstan men Reseı arasyndaǵy is-sharalar jospary bekitildi

Otyrys barysynda saý­da-ekonomıkalyq yntymaq­tastyq, otyn-energetıkalyq keshen, atom energııasyn beıbit maqsatta qoldaný, ónerkásip, kólik, aýyl sharýashylyǵy, densaýlyq saqtaý, qorshaǵan ortany qorǵaý, bilim berý jáne ǵylym, aqparattyq tehnologııalar men buqaralyq kommýnıkasııa, mádenıet, týrızm, aımaqaralyq já­ne shekara mańyndaǵy ynty­maqtastyq, sondaı-aq eki eldiń isker toptarynyń ózara is-qımyldaryndaǵy ekijaqty yntymaqtastyqty damytý máseleleri talqylandy.

Qazaqstan birinshi vıse-premeri A.Mamın memle­ket­aralyq qatynastardyń barlyq deńgeıinde Qazaqstan men Reseı arasyndaǵy qarym-qatynastyń tabysty ekenin atap ótti.

Eki el arasyndaǵy ózara saý­da-sattyqtyń edáýir ulǵaı­ǵany baıqaldy, bul kórset­kish 34,1%-ǵa ósip, $17,5 mlrd-qa jetti. О́zara saýda kór­set­kish­teriniń oń serpini saý­da aı­nalymyn $20 mlrd-qa jetki­zýge múmkindik berip otyr. Reseı Qazaqstannyń negiz­gi ınvestısııalyq seriktes­teriniń biri, sońǵy 12 jyl (2005–2017 jj.) ishinde ınvestısııalar aǵymy $12 mlrd qu­rady. Reseıden elimizge tike­leı ınvestısııalar aǵy­my 2018 jyldyń I jarty jyl­dyǵynda ótken jyldyń osy kezeńimen salystyrǵanda 1,5 esege — $821 mln deıin artty. Jalpy somasy $3,6 mlrd bolatyn, 12 myń jumys ornyn ashýǵa múmkindik beretin 50 ınvestısııalyq joba qar­qyndy iske asyrylyp jatyr.

Otyrys barysyn­da Qazaq­stan men Reseı­diń eki­jaqty ózara yntymaq­tastyǵynyń basty baǵyttarynyń biri aımaqaralyq jáne shekara mańy yntymaqtastyǵy bolyp tabylatyny atap ótildi.

Úkimetaralyq komıs­sııa­nyń XX otyrysynyń qory­tyn­dysy boıynsha ÚAK teń tóraǵalary Asqar Ma­mın men Anton Sılýanov Qa­zaq­stan – Reseı Úkimetaralyq ko­­mıssııasynyń XX otyry­sy­nyń hattamasyna qol qoıdy.

Qazan qalasyna jumys sapary aıasynda Qazaqstan Pre­mer-Mınıstriniń birinshi orynbasary Asqar Mamın Tatar­stan Respýblıkasynyń Pre­zı­denti Rýstam Mınnı­hanovpen kelissózder ótkizdi. Kezdesý barysynda taraptar Qazaqstan men Tatarstan arasyndaǵy ekijaqty qarym-qatynastyń barlyq salasy, onyń ishinde saýda-ekonomıka salasy boıynsha qarqyndy yntymaqtastyqty atap ótti, ekonomıkalyq jáne ınvestısııalyq baılanystardy arttyrýǵa múddeli ekenderin tanytty.

2017 jyldyń qory­tyn­dysy boıynsha syrtqy saýda aınalymy 1,7 esege artyp, $700 mln-nan asqan. 2018 jyldyń I jarty jyldyǵynyń qorytyndysy boıynsha ózara saýda aınalymynyń kórsetkishi 67%-ǵa artyp, $400 mln-ǵa jýyq boldy. Bıyldyń ózinde ózara saýda aınalymy kólemin $1 mlrd-qa deıin jetkizý múmkindigi bar.

Asqar Mamın men Rýstam Mın­nıhanov mashına jasaý, kó­lik pen logıstıka, mu­naı hı­mııasy, AО́K, AT-tehno­lo­­gııalar, shaǵyn avıasııa já­ne t.b. salalarda yntymaq­tas­­tyq­ty damytý kerektigin atap ótti.

Qazaqstan birinshi vıse-premeri A.Mamın men Ta­tar­stan Prezıdenti R.Mınnıhanov eki el arasyndaǵy ynty­maq­tastyqty damytý boıynsha is-sharalar josparyna qol qoıdy.