Qaraǵandy oblystyq beıneleý óneri murajaıynda tuńǵysh ret uıymdastyrylǵan «Eńbek adamy» foto baıqaý-kórmesiniń qorytyndysy shyǵarylyp, jeńimpazdar marapattaldy.
Qazylar alqasynyń sheshimimen «Men kásibimdi maqtan etemin» atalymynda bas júlde Bekzat Baltabekovke buıyrdy. Al «О́z isiniń sheberi» atalymynda Keshýbaı Baıdildınovtiń baǵy jandy. Jeńimpazdarǵa 30 000 teńge somasynda aqshalaı sertıfıkattar tabys etildi.
Sharanyń negizgi maqsaty qoǵamda eńbek adamyna degen qurmetti tárbıeleý bolatyn. Mysaly atalǵan baıqaýda qatysýshy kez kelgen sala qyzmetkeri ózin tanystyryp, jumysyna degen zor súıispenshiligin kórsetýge tıis bolatyn. Uıymdastyrýshylardyń aıtýynsha, mundaı baıqaýlar kásip ımıdjin joǵarylatyp, mamandyqty sanaly túrde tańdaýǵa yntalandyrady.
Foto baıqaý-kórmeni mádenıet, sport, týrızm jáne aqparat qyzmetkerleriniń salalyq kásipodaǵy uıymdastyrdy.
Qaırat ÁBILDA,
«Egemen Qazaqstan»
Qaraǵandy