Qazaqstan Respýblıkasynyń Tuńǵysh Prezıdenti – Elbasynyń test synaqtary túrleri boıynsha Qazaqstannyń IV chempıonaty ótti. Onda Armııa ortalyq sporttyq klýbynyń sportshylary (AOSK) Qarýly Kúshter qorjynyn 10 medalmen tolyqtyrdy.
Atletter 5 kún boıy baq synasty. Saıys sporttyń 7 túrin qamtydy. Atap aıtsaq, oq atý, júzý (50 m), qashyqtyqqa granata laqtyrý, kúshtik gımnastıka, uzyndyqqa sekirý, sprınt (100 m), tózimdilikke júgirý (1000 m).
Jarys qorytyndysy boıynsha armııalyq sportshy Ánýar Qozybaev absolıýtti chempıon atandy. Onyń qorjynynda 4 altyn, 2 kúmis jáne 1 qola medal bar. 2 altyn jáne 1 kúmis medaldi enshilegen qatardaǵy jaýynger Aǵybaı Nyǵmetov chempıonatta ekinshi oryndy ıelendi. Al osy kezde buqaralyq sporttyq jumysty uıymdastyrý jáne garnızondarda sport seksııalaryn damytý baǵdarlamasy aıasynda Saryózek garnızony sport kesheniniń bazasynda áskerılerdiń balalary arasynda qazaq kúresinen ótken týrnır qorytyndylandy.
Jalpy alǵanda, saıysqa 80-nen asa jas balýan qatysty. Saıys jeńimpazdary men júldegerleri medaldarmen, qurmet gramotalarymen marapattaldy.
– Mundaı jarystardyń ótkizilýi óskeleń urpaqtyń sportpen shuǵyldanýyna jaqsy úlgi. О́ıtkeni garnızondarda balalar seksııasyn qurýdyń basty maqsaty – balalardy iriktep, AOSK rezervin qalyptastyrý. Dál osy balalar bolashaqta Qarýly Kúshter qataryn tolyqtyryp, armııalyq klýbtyń namysyn úlken dodalarda qorǵaıtyn bolady, – deıdi AOSK Sport komıtetiniń tóraǵasy polkovnık Rasýl Meıirmanov.
«Egemen-aqparat»