Ulttyq akademııalyq kitaphanada «Til-Qazyna» respýblıkalyq aqparattyq-tanymdyq gazetiniń tusaýkeseri ótti.
Elbasy N.Ə.Nazarbaevtyń 19 aqpandaǵy №637 Jarlyǵynda bekitilgen latynnegizdi qazaq álipbıin násıhattaıtyn jáne jańa álipbıge qatysty aqparatpen, tanymdyq materıaldarmen bólisetin jańa álipbıde jaryq kórip otyrǵan tuńǵysh basylym – «Til-Qazyna» respýblıkalyq aqparattyq-tanymdyq gazeti aıyna eki ret shyǵady.
Sharaǵa Mádenıet jáne sport mınıstri Arystanbek Muhamedıuly arnaıy qatysyp, gazet ujymyn jáne onyń shyǵýyna uıytqy bolyp otyrǵan Til saıasaty komıteti men Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵyna alǵysyn aıtyp, quttyqtady. Sonymen qatar gazettiń aldaǵy ýaqyttaǵy baǵyty talqylanyp, búgingi qoǵamnyń kún tártibinde turǵan emle máseleleri jaıynda usynys-pikirler tyńdaldy. Gazet tanystyrylymy barysynda ótken ǵasyrda latyn álipbıinde jaryq kórgen qazaq basylymdarynyń tarıhyna sholý jasalyp, latyn grafıkasyndaǵy qazaq tili álipbıine kóshý kezeńderinde júrgizilip jatqan jumystar barysy pysyqtaldy.
Sharaǵa Parlament Májilisiniń depýtattary, Myrzataı Joldasbekov, Tólen Əbdik bastaǵan qalamger, zııaly qaýym ókilderi, mınıstrlik qyzmetkerleri, tiltanýshy ǵalymdar jáne BAQ ókilderi qatysty.
Jazýshy Sultan Orazalın «Egemen Qazaqstan» gazetinde kúndelikti latyn álipbıimen shyǵatyn baǵandy oqyp, jattyǵyp qalǵanyn da tilge tıek etti. Endeshe «Til-Qazyna» gazetin de qalyń oqyrman jatyrqamaı qabyldaıdy dep senemiz.
Ularbek Nurǵalymuly
"Egemen Qazaqstan"