Ashhabadta ótip jatqan álem chempıonatynda «V» tobynda 81 kılo salmaq dárejesinde óner kórsetken qazaqstandyq ziltemirshi Raýshan Meshithanova birinshi oryndy ıelendi.
Raýshan 108 kılony julqyp jáne 115 kılony serpe kóterdi. Qossaıystaǵy nátıjesi – 223 kılo. Osy nátıje jerlesimizge «V» tobynda birinshi oryndy ıelený úshin jetkilikti boldy. Ekinshi oryndy 220 (98+122) kılolyq kórsetkishpen belgııalyq Anna-Marı Vanbellıngen enshilese, túrkimenstandyq Aısoltan Toıchıeva úshinshi satyǵa taban tiredi. Onyń nátıjesi – 219 kılo (98+121). Alaıda bul sportshylardyń bul jarysta jeńis tuǵyryna kóterle almaıtyny anyq. О́ıtkeni, «A» tobynda kil myqtylar shyǵady. Aralarynda Olımpııa oıyndary men álem chempıonattarynda atoı salǵan saqa sportshylar da bar. Jáne de olardyń tapsyrys bergen salmaqtary da óte zor.
Sanaýly saǵattardan keıin erler arasyndaǵy 102 kılo salmaq dárejesindegi básekeler bastalady. Bul saıysta Qazaqstannyń namysyn Rıo Olımpıadasynyń qola júldegeri, 2015 jylǵy álem chempıony Aleksandr Zaıchıkov qorǵaıdy.
Erteń áıelder arasyndaǵy +87 kılo salmaqtaǵy tartysty tamashalaımyz. Bizdiń qos jerlesimiz – Aızada Mýptılda men (+87 kılo) men Aleksandra Aborneva (+87 kılo) «S» tobynda baq synaıdy. Sonymen qatar, 109 kılo salmaqtaǵy Ibragım Bersanov ta ortaǵa shyǵady. Al chempıonattyń sońǵy kúni asa aýyr salmaqtaǵy Eldos Saılaý saıysqa túsedi.
Ǵalym SÚLEIMEN,
«Egemen Qazaqstan»