Tórt jylda bir ret keletin Olımpııa oıyndary sport padıshasy sanalady. Erkin kúresten álemde alty ret aldyna jan salmaǵan daǵystandyq balýan Álı Álıev kezinde “osy bar altyndarymdy bir Olımpıada medaliniń bodaýyna oılanbaı-aq berer edim” degen eken.
Tórt jylda bir ret keletin Olımpııa oıyndary sport padıshasy sanalady. Erkin kúresten álemde alty ret aldyna jan salmaǵan daǵystandyq balýan Álı Álıev kezinde “osy bar altyndarymdy bir Olımpıada medaliniń bodaýyna oılanbaı-aq berer edim” degen eken.
Máselen, Atlanta Olımpıadasynda kópsaıystan Qazaqstan qorjynyna kún kózin shaǵylystyryp altyn salǵan Aleksandr Parygın: “Qazaqstanda jattyǵýǵa yńǵaıly sport alańdary joq, sondyqtan kelesi Olımpıadaǵa shet elderde daıyndalamyn. Qarjysyn ýaqytynda tóleýdi umytpańdar”, dep pańsyǵan bolatyn. Tórt jyl álemniń tańdaýly sport arenalarynda armansyz jattyqqan sol Parygın Sıdneıde olja salmaq túgili, joldamasyna ıe bola almady.Al, jaqynda London qalasynda sporttyq gımnastıkadan ótken halyqaralyq jarysta shymkenttik Móldir Ázimbaı osy qalada ótetin Olımpııa oıyndaryna beriletin joldamany jan qaltasyna saldy. Symǵa tartqandaı sulý qyzymyz – ataqty Nellı Kımnen keıin araǵa 32 jyl salyp baryp joldama alǵan shymkenttik sportshy. Bekzada Bekzat Sıdneıge joldama alǵanda qurama bapkerleriniń “áli jas qoı, bir-eki kezdesýdi jeńse qanaǵat” degenin estigenbiz. Bahadúr atanyp qaıtty. “Jaqsy sóz – jarym yrys” degen halyqpyz ǵoı. Bálkim, Móldirdiń de tumandy Albıon elinde joly ońǵarylar.
Baqtııar TAIJAN