Shvesııanyń Malmıo qalasynda jekpe-jek sportynyń djıý-djıtsý túrinen ótken álem chempıonatynda qaraǵandylyq Nurjan Seıdýáli tabysty óner kórsetti. 55 eldiń 3 myńǵa tarta sportshysy qatysqan dodada jerlesimiz 56 kılo salmaq dárejesinde kúmis júldege qol jetkizdi.
Qaraǵandylyq sportshy birinshi jekpe-jeginde Ońtústik Koreıadan kelgen qarsylasyn upaı sanymen jeńdi. Kelesi kezeńde ol Qazaqstan quramasynyń múshesi Qýandyq Qonysovpen kúsh synasyp, ony 6:4 esebimen tize búktirdi. Al fınaldyq aıqasta Nurjan Seıdýáli Birikken Arab Ámirligi quramasynyń sportshysynan eskertý sany boıynsha jeńilýge májbúr boldy.
Álem chempıonatynyń sý jańa kúmis júldegeri «Shubarkól kómir» AQ kómir razrezinde ýchaskelik markshreıder bolyp jumys isteıdi.
Qaırat Ábilda,
«Egemen Qazaqstan»
Qaraǵandy