О́skemendegi 27943 áskerı bólimde Qorǵanys mınıstriniń birinshi orynbasary - Qazaqstan Respýblıkasy Bas shtab bastyǵynyń jas býyndardy áskerı qyzmetke beıimdeý jónindegi uıymdastyrý, tárbıe jáne psıhologııalyq is-sharalardyń keshendi josparyna sáıkes ekstremıstik – destrýktıvtik jáne dástúrli emes dinı aǵymdarǵa qarsy is-qımyl máseleleri jónindegi beınefılmderdi kórsetýmen ekstremızm, terrorızm, áleýmettik jáne násildik alaýyzdyqtyń kózqarastary men ıdeıalaryn taratqany úshin jaýapkershilik týraly QR zańnamasyn túsindirý boıynsha kezdesý ótti.
Kezdesýge quqyq qorǵaý organdarynyń ókilderi jáne Shyǵys Qazaqstan oblystyq Din máselelerin zertteý ortalyǵy mamandary, О́skemen jáne Semeı Eparhııasynyń Pravoslav shirkeýi Epıskopynyń kómekshileri, QMDB-nyń О́skemen aımaǵy boıynsha Halıfa Altaı meshitiniń naıb ımamy qatysyp, «Dástúrli emes jáne radıkaldyq dinı aǵymdardyń qurylymdy buzatyn ıdeologııasynyń mánin túsindirý» taqyrybynda oılaryn ortaǵa saldy. Din máselelerin zertteý ortalyǵynyń bólim meńgerýshisi A.Sabalaqova óz sózinde elimizge qaýip tóndiretin destrýktıvti dinı aǵymdar, olardyń zaıyrly memlekettiń prınsıpterine qarsy keletini, sondaı-aq jat, radıkaldy dinı aǵymdardyń máni, keltiretin qaýpine jan-jaqty toqtaldy. «Meshittiń naıb ımamy jıhad, shahıt jaıly sarbazdarǵa túsinik berip, ıslam dininiń negizgi qaǵydattary men ustanymdary bizdiń babalarymyz ustanǵan nanym-senimdermen ushtasyp jatqanyn áńgimeledi. Baýyrmaldyq pen meımandostyqtan eshkimniń japa shekpeıtinin aıtty.
Al О́skemen jáne Semeı eparhıiniń jastar isiniń ókili V.Gýtov destrýktıvtik aǵymnyń belgileri men qaýpine toqtaldy. Jas býyn den qoıyp tyńdap, suraqtar qoıdy. Mysaly: qatardaǵy N.Bogomolov teris aǵymdardan saqtaný joldaryn, qatardaǵy Rahymberdi Eldar dinniń jastarǵa áserin, al qatardaǵy Oljas Shaımerdenov meshit jaǵalaǵan keıbir jat qylyqtylardan kalaı qutylý kerektigi jaıynda saýaldaryn joldap, suraqtaryna tolymdy jaýap aldy. Jalpy basqosý jastarǵa taǵylymdy tárbıe berdi degen oıdamyz», - deıdi 27943 áskerı bóliminiń memlekettik tildi damytý mamany Baqyt Ospanova.
Azamat QASYM,
«Egemen Qazaqstan»
О́skemen