5 jeltoqsanda Ankarada Qazaqstan Respýblıkasynyń Tuńǵysh Prezıdenti kúnine oraı «Nursultan Nazarbaev: Uly dalanyń rýhanı jańǵyrýy» atty konferensııa ótti. Is-shara Qazaqstannyń Túrkııadaǵy Elshiligi men Túrkııanyń alǵashqy Prezıdenti M.K. Atatúrik qurǵan, osy eldiń eń bedeldi qurylymdarynyń biri sanalatyn Túrik tarıh uıymynyń bastamasymen jáne Túrkııa Respýblıkasy Prezıdent Ákimshiliginiń qoldaýymen uıymdastyryldy.
Jıynǵa Elshi Abzal Saparbekuly, Túrkııa Respýblıkasy Prezıdentiniń Bas keńesshisi Iаlchyn Topchý, Túrik tarıh uıymynyń basshysy Refık Týran, sondaı-aq Túrkııanyń basqa da yqpaldy saıası tulǵalary, tanymal ǵalymdary men joǵarǵy oqý oryndarynyń ustazdary jáne bilimgerleri qatysty.
Jıyndy ashqan Túrik tarıh uıymynyń basshysy R. Týran Túrki áleminiń Qazaqstannyń Eýrazııadaǵy belsendiligi men yqpalynyń artýyna súısinip otyrǵanyn aıtty. Ol, sondaı-aq, Nursultan Nazarbaevtyń ult múddesi úshin qajetti maqsattardy júzege asyrǵan, halyqqa jol ashqan jáne keleshektiń kelbetin aıqyndaǵan kóshbasshy ekendigi týraly pikirin bildirdi.
О́z kezeginde, Elshi A. Saparbekuly Elbasynyń Qazaqstan ǵana emes, Ortalyq Azııa jáne kúlli Túrki áleminiń baıandy bolashaǵy úshin aıanbaı eńbek etip kele jatqanyn aıtyp, Memleket basshysynyń Túrki keńesin qurý, Túrkııa men Reseı arasyndaǵy ushaq daǵdarysyn ońǵarý jáne Sırııa máselesin sheshýge baǵyttalǵan Astana prosesin uıymdastyrý sııaqty bastamalaryna toqtaldy.
Túrkııa Parlamentiniń depýtaty, Túrkııa-Qazaqstan dostyq tobynyń basshysy Mehmet Alı Jevherı uly oıshyl, búkil túrki jurtyna ımandylyq nuryn shashqan aǵartýshy Ahmet Iаsaýı ilimi jóninde sóz qozǵady. Ol Iаsaýı babamyzben Qazaqstandy álemge tanytyp, basqa eldermen yntymaqtastyq ornatý arqyly zamanaýı memleket qurǵan jáne Túrki áleminiń aqsaqaly atanǵan N. Nazarbaevtyń arasyndaǵy rýhanı sabaqtastyqqa nazar aýdardy.
Jıynǵa arnaıy qatysqan Túrkııa Respýblıkasy Prezıdentiniń Bas keńesshisi Iа. Topchý Nursultan Nazarbaevtyń strategııalyq saıasaty men kóregendigin atap ótip, «Tuǵyrly memlekettiń qurýshysy, parasatty, kemeńger kóshbasshy retinde tanylǵan N. Nazarbaev Túrki-Islam áleminiń Aqsaqaly jáne qazaq baýyrlarymyzdyń ǵana emes, búkil Túrki áleminiń maqtanyshy» - degen pikirimen bólisti.
Jıyn Seıfettın Erol, Hasan Únal jáne Kúrshat Zorlý sııaqty Túrkııanyń tanymal ǵalymdary jáne taldaý ortalyqtarynyń basshylary jasaǵan baıandamalarmen jalǵasty. Baıandamalardyń negizgi arqaýyn Elbasynyń jýyrda jarııalanǵan Uly dalanyń jeti qyry atty baǵdarlamalyq maqalasynyń ártúrli tustary qurady. Baıandamashylar qazaq Prezıdentiniń «Uly dalanyń jeti qyry» atty aýqymdy maqalasyn jarııalaý arqyly Qazaqstannyń rýhanı jańǵyrýyna ǵana emes, Túrki áleminiń birigýine baǵdar beretin taǵy bir mańyzdy qadam jasaǵynyn tilge tıek etti. Sarapshylardyń pikirinshe, óziniń baǵdarlamalyq maqalasynda N. Nazarbaev Qazaqstannyń túrkilik tabıǵatyn aıqyndaıtyn mańyzdy tujyrymdar jasap, Qazaq eliniń Túrki álemimen baılanystaryn bekite túsetin praktıkalyq qadamdardy utymdy usynǵan.
Sonymen qatar, konferensııa aıasynda Qazaqstan Respýblıkasynyń Túrkııadaǵy Elshiligi jáne Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń qoldaýymen qazaq jáne túrik tilinde jaryq kórgen «Nursultan Nazarbaev: Uly dalanyń rýhanı jańǵyrýy» atty kitaptyń tusaýkeseri ótti. Kitapqa Elbasynyń «Uly dalanyń jeti qyry» jáne «Bolashaqqa baǵdar: rýhanı jańǵyrý» atty qazaq jáne túrik tilderindegi maqalalar engen. Jınaqqa, sondaı-aq, S. Erol, K. Zorlý, H. Ýnal, D. Ámetbek, F. Pýrtash, M. Iyldyz, N. Shımshek, Iа. О́meroǵlý, I. Atabeı, E. Chaǵlar, J. Kynajy, S. Iylmaz sııaqty aıtýly sarapshylardyń Qazaqstannyń damý joly, qazaq-túrik qarym-qatynastary, Túrki álemindegi jaqyndasý men Elbasynyń kóregen kóshbasshylyǵy týraly maqalalary jınaqtalǵan.
Konferensııa Qazaqstan Respýblıkasynyń Tuńǵysh Prezıdenti kúnine oraı Elshilik uıymdastyrǵan resmı qabyldaýmen jalǵasty.