Qazaqstannyń ataqty bylǵary qolǵap sheberleri Ádilbek Nııazymbetov, Berik Ábdirahmanov jáne Anton Pınchýk úlken sportpen qosh aıtysqandary jaıynda resmı túrde málimdedi. Bul aqparatty Qazaqstan boks federasııasynyń baspasóz qyzmeti taratyp otyr.
Joǵaryda esimderi atalǵan azamattardyń el sportyna sińirgen eńbekteri eleýli. Ár sportshyǵa jeke-jeke toqtalsaq, bilikti bapker Marat Jaqıevtiń qol astynda jattyqqan 29 jastaǵy mańǵystaýlyq boksshy Ádilbek Nııazymbetov 81 kılo salmaq dárejesinde judyryqtasyp, qos Olımpııa oıyndary men qos álem chempıonatynda kúmis medaldi moınyna ildi Azııa oıyndaryn utyp, qurlyq birinshiliginde top jardy. Basqa da tolyp jatqan ataqtary taǵy bar.
Mańǵystaý oblysynyń taǵy bir ókili, 32 jastaǵy Berik Ábdirahmanov 2013 jyly Almatydaǵy álem chempıonatynda qola medaldi ıelense, Ammanda Azııa chempıony atandy. 2010 jyly áskerıler arasndaǵy dúnıejúzilik dodada dara shyqty. ARV jobasy boıynsha ótken jarysta 60 kılo salmaqta dara shyǵyp, 2016 jyly Rıo Olımpıadasyna qatysty.
Antoný Pınchýktiń de baǵyndyrǵan belesteri az emes. Bıyl jazda 30 jasqa tolǵan Qostanaı oblysy Rýdnyı qalasynyń týmasy Azııa oıyndary men Azııa chempıonatynda aldyna jan salmady. Stýdentter arasyndaǵy álem chempıony. Birer jyl Dúnıejúzilik boks serııasy dodasynda «Astana arlandary» klýbynyń namysyn abyroıly qorǵady.
Qazaqstan boks federasııasynyń jýyrda Astanada ótken jıynynda aıtýly boksshylardyń jyly lebizder aıtylyp, árqaısysyna aqshalaı syılyqtar berildi.
Ǵalym SÚLEIMEN,
«Egemen Qazaqstan»