Al zeınetke shyqqan kezde ınflıasııa deńgeıin eskere otyryp, mindetti zeınetaqy jarnalarynyń naqty engizilgen mólsherinde saqtalýyna memleket tarapynan kepildik berilgen.
Ulttyq Bank 2016 jyldan beri zeınetaqy aktıvterin ınvestısııalyq basqarýdyń tıimdiligi men ashyqtyǵyn arttyrýda aıtarlyqtaı úlken jumystar júrgizdi. Investısııalyq deklarasııa jańartyldy. Zeınetaqy aktıvteri ınvestısııalanýy múmkin degen qarjy quraldarynyń sıpattary naqtylandy. Osy oraıda qarajatty basqarý tıimdiligin arttyrý, ınvestısııalaý baǵyty men qarjy quraldarynyń túrlerin aıqyndaý – 2016 jyldan bastap, Ulttyq qordy basqarý jónindegi keńeske júktelgen.
Sonyń arqasynda zeınetaqy aktıvterin basqarý sapasy edáýir artty. Sáıkesinshe zeınetaqy aktıvteriniń tabystylyǵy ınflıasııa deńgeıinen joǵary bolyp otyr. Bul qazaqstandyqtardyń zeınetaqy jınaqtarynyń kólemin, sáıkesinshe Qordan beriletin zeınetaqy tólemderiniń mólsherin arttyrýǵa septigin tıgizýde.
Portfeldi odan ári ártaraptandyrý jáne tabystylyqty arttyrý maqsatynda aktıvterdiń bir bóligi senim bildirilgen syrtqy basqarýshylarǵa kezeń-kezeńmen berilip otyr.
Aınash ESALI,
«Egemen Qazaqstan»
ALMATY