Stepnogorsk qalasynda qazirgi zamanǵa saı jabdyqtalǵan kópbeıimdi jańa sport alańy paıdalanýǵa berildi.
Táýelsizdik merekesinde stepnogorskilik sportshy balalar ashyq aspan astynda jattyǵýǵa múmkindik aldy. Jańa alańǵa onnan astam sporttyq qural-jabdyqtar ornatylǵan. Nysannyń qurylysyna «Samuryq-Qazyna» aksıonerlik qoǵamy «Meniń elim» áleýmettik jobasy sheńberinde demeýshilik kórsetti. Saltanatty sharaǵa Stepnogorsk qalasynyń ákimi Erkebulan Baıahmetov, «Qazatomónerkásip KQZ BK» seriktestiginiń dırektory Tóleýjan Jeksembaev jáne «Samuryq-Qazyna» aksıonerlik qoǵamynyń ókilderi qatysty.
Atalmysh joba qaladaǵy balalar men jastardyń buqaralyq sportqa degen qyzyǵýshylyǵyn arttyrýdy kózdeıdi. Aldaǵy ýaqytta bul baǵyttaǵy jumystar odan ári jalǵasatyn bolady.
Baıqal BAIÁDIL,
«Egemen Qazaqstan»
Stepnogorsk qalasy