Máskeýde kásipqoı boks keshi ótti. Osy jarysta Qazaqstannyń tórt bylǵary qolǵap sheberi kúsh synasyp, barlyǵy da óz jekpe-jekterin jeńispen aıaqtady.
Ekinshi orta salmaqtaǵy Aıdos Erbosynuly belgııalyq Ilıas Achergýmen aıqasty. Tórtinshi raýndta qandasymyz nokdaýn alǵanymen, úzilisten keıin qarsylasy jekpe-jekti jalǵastyrýdan bas tartty. Sonyń nátıjesinde Aıdos jeńiske jetip, WBO Global nusqasynyń altyn belbeýin ıelendi. Bul – Erbosynulynyń kásipqoı rıngtegi onynshy jeńisi!
Birinshi jartylaı orta salmaqtaǵy Nursultan Janabaevtyń da bul sapardan qanjyǵasy maılanyp qaıtty. Fılıppın boksshysy Arnel Tınampaıdy upaı sanymen utqan qazaq jigiti WBC Asia nusqasy boıynsha chempıondyq tájdi ıelendi.
Sonymen qatar, qos jerlesimiz reıtıngtik básekeler ótkizdi. Jartylaı jeńil salmaqtaǵy Konstantın Brýsenskıı óziniń tusaýkeser kezdesýi bel ortaǵa jetpeı jatyp, Dagır Kachakaevty esinen tandyrsa, birinshi aýyr salmaqtaǵy Álı Baloev nıgerııalyq Afınnı Abıodýndy segizinshi raýndta sulatyp saldy.
Ǵalym SÚLEIMEN,
«Egemen Qazaqstan»